~*^ماعلموك بغيبتك وش جرالي ؟...^*~

ماعلموك , وش , بغيبتك , جرالي

~*^ماعلموك بغيبتك وش جرالي ؟...^*~

ما علموك بغيبتـك وش جرالـي؟
حتى ( الخبل ) لا شافني قال عـزاه


مافيه شـيٍ موحـشٍ مـا طرالـي
ولا فيه ضيـق الا تعانقـت ويـاه

هذا مداه وضاق صـدر الشمالـي
تقولليّ وش جاه؟ واقول وش جاه؟!

عزيـز قـوم وبهذلَتْـه الليـالـي
كبا. به حصانه وخانت به خطـاه

شف حالتي والصبر ما سـرّ حالـي
بين اصدق الاحساس واللأ مبـالاه

تعبت اقول ان (...... ) راس مالي
واشوف ثوب الصبر ينشق وارفـاه

(الياس) حِمله فاق كـل احتمالـي
نوب اتعثر بـه ونـوب اتخطـراه

يرسم على وجهي ملامـح ظلالـي
واحاول ارسـم بسمتـي واتحـداه

ضميان والعـد القـراح الزلالـي
كبدي تبي قربه ونفسـي تحاشـاه

طاح الدلو . والسانيـه . والحبالـي
وانا على جاله ولاذقت مـن مـاه

والحاجه اللي في نفـوس الرجالـي
اكثر حراها تخلف الرجـل مبـداه

كلمه تقـال وكلمـةِ مـا تقالـي
ما كل ما فالصدر للنـاس تقـراه

لو شلت ما شالت ظهور الجمالـي
لاطحت . ماقالوا عسى الله ياقـاه

يا علّ مـا لمنقّـل الهـرج وآلـي
وابليس ياويلـه مـن الله ويـلاه

لكن بعد ما صار ما زلـت غالـي
)مثل السقيم اللي حمـل داه بـرداه)

ان جيت يبقـى منزلـك بالعوالـي
عرشك على حطت يدك ماحدِ جاه

الحب عايش بـه وعايـش بليـاه
وان رحت .. امي جايبتنـي لحالـي


اتمنى ان تنال على اعجبكم
.^_^.

اختكم// العنود بنت خالد

الموضوع الأصلي: ~*^ماعلموك بغيبتك وش جرالي ؟...^*~ || الكاتب: العنود بنت خالد || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

سيدتي
العنود
يعطيك العافية على الأبيات الرائعة

تمنياتي لك بالتوفيق ودوام التميز

دمتي بخير وهناء

اقتباس:

المشاركة الأصلية كتبت بواسطة اسير الصمت

سيدتي
العنود
يعطيك العافية على الأبيات الرائعة

تمنياتي لك بالتوفيق ودوام التميز

دمتي بخير وهناء

يعطيك العافيه يارب

نورت متصفحي بكلاماتك

العذبه دام لنا تواصلك

ودمت بأفضل حال

.^_^.

ابيات قمه الروعه ,, استمري غاليتي فانتي رائعه تحياتي

روووووووعه يعطيك الف عافيه
لاتحرمينا ابداعاتك اختي


تحياتي

اقتباس:

المشاركة الأصلية كتبت بواسطة قمر الكووون

ابيات قمه الروعه ,, استمري غاليتي فانتي رائعه تحياتي

ومرورك غايه في الروعه
اسعدني ردك
دمتي بود
.^_^.

اقتباس:

المشاركة الأصلية كتبت بواسطة ..خلاص ابرحل..

روووووووعه يعطيك الف عافيه
لاتحرمينا ابداعاتك اختي


تحياتي

الله يعافيك ويخليك
ولاعدمنا مرورك
ودمتي بأفضل حال
.^_^.

سيدت الحرووف واميرة الابداع
عندما ينزف قلمك تقف حرووفي طوعا له ولما نزف
تعجز حروفي عن مدا شكرها ووصف ابداعك الباهر
كم يسعدني ان اتصفح واتلذذ في طرحك النقى
لا تحرميني من ابداعك وتميزك الراقي
لا عدمت هذا التميز
انتظر جديدك