يوميات الأعضاء

اقتباس:

المشاركة الأصلية كتبت بواسطة أggم الليف

سلاااام عليكم
مسااء الخير والخيرااات


شمه ذا حبيت اسدح شي اليوم صار هههههههههههه
اليوم ي طول اليوم رحت انا وامي واختي للمستوصف
المهم اول مادخلنا نبي ناخذ ارقام عشان بالدور

شي طبيعي دام انه مستوصف حكومي اكيد بيكون خياس
شوي وحنا ناخذ الرقم جت موظفه الظاهر توها جايه من بيتها
اسالتها صديقتها قالت لها ليه تاخرتي ومن جابك
قالت ماغيرة ( صدام حسين جابني) انا طارت عيوني وتجبست
بمكاني وبس اسحب عبايه امي وخشتي عن اذنها اقول يمااه صدام قام من قبره هههههههههههههههههههههههههههههههههه
امي لفت عليها وهي ي حبة عيني ماتتكلم زين الصوت رايح
قالت انتي صادزة والا تسذبين قالت وربي ما اتسذب شوفيه برا
لفت علينا صديقتها قالت ايه صدز اسمه تسذا
وامي تقول الله يحفظنا الله يحفظنا >> مدري وش دخلها

بس للحين ما استوعبت الاسم شوي وجابت لنا بطاقه سواقه وانا افطس
ضحك وربي ماحسيت بنفسي هههههههههههههههههههههههههههههههههههههههههههه
كل اللي في الاستراحه سكتو ويناظرون فيني
قالت ذي اللي سواقها صدام وش فيك قلت سلامتس بس نفس الشبه
مدري الا اسمه ضحكات الكل ضحك قصمن ماقلت شي ابد واختي تشتم فيني اسكتي فضحتينا >> مدري وش فضحتهم فيه يعني حرام استهبل >> اااااوت هع

بس اللي صار بعدها هوش مع الدختورة ونائب مدير المستشفى عشان الاجازة بس مالت عليهم بس
امممم وبث ذي يوميتي

انا ما ادري ويش تحسون فيه يابنات ؟

يعني خلق الله في المستشفى متسدحين يونونون من المرض وانتوا طاقينها ضحك ومسخره بخلق الله ههههههههه

اتمنى يكون فيه سكرتيات في المستشفيات اللي قاعدة تضحك وصوتها كأنها فلبينيه تسولف خخخخخخخخخخخخخ

يحطونهم بغرفة خاصة خارج نطاق المستشفى ( قسم العزل ههههههههه )

من جد اتخيل انه داخل عليكم صدام حسين ويقول ( عفية عليكم ) ويقول للحرس حقه جيبوا لي ذي البنت القصر الجمهوري

هههههههههههههههههههههههههههههههههههههههه


بس بطني بيتقطع من الضحك ... ايه نسيب صح ( صباح الورد )

اقتباس:

المشاركة الأصلية كتبت بواسطة اسير الشوق

انا ما ادري ويش تحسون فيه يابنات ؟

يعني خلق الله في المستشفى متسدحين يونونون من المرض وانتوا طاقينها ضحك ومسخره بخلق الله ههههههههه

اتمنى يكون فيه سكرتيات في المستشفيات اللي قاعدة تضحك وصوتها كأنها فلبينيه تسولف خخخخخخخخخخخخخ

يحطونهم بغرفة خاصة خارج نطاق المستشفى ( قسم العزل ههههههههه )

من جد اتخيل انه داخل عليكم صدام حسين ويقول ( عفية عليكم ) ويقول للحرس حقه جيبوا لي ذي البنت القصر الجمهوري

هههههههههههههههههههههههههههههههههههههههه


بس بطني بيتقطع من الضحك ... ايه نسيب صح ( صباح الورد )

هههههههههههههههههههههههههههههههههههههههههههههههههه ههههههههههههه

السالفه فيها قصر جمهوري ي لبيه والله لا اسبقهم للقصر خخخخخخخخخخخخخخخخخخخخخخخخخخخخخخخخخخخخ
صباح النور ماتعرفنا ع الاخ >>برااااااااااااااااا هع هع

اقتباس:

المشاركة الأصلية كتبت بواسطة wllah

السلام عليكم ورحمة الله وبركاتة

كيفكم وشو اخبااركم ي حلوين

بخير جعلك بخير بس انا ماني حلو بس رديت من باب المشاركه هههههههه

جيايه وياي يوميه طازجه من الطازج ههههههههههههههههه

اقصدمن عندي انا وتويتي >>ملامح خجولهـ<< هههه اقول مو كني طولتها وهي قصيره خخخخخخخخ خلاص خلاص بقول تويتي اقصدملامحي حلو النك الجديد صح ي ويلي منك اعرفك ما تفوتي شي تعالوا تعالوا باقي ما خلصت

احلى شيء إني عرفت ان ملامح ( تويتي ) علشان اتفرج عليها في التلفزون واضحك خخخخخخخخخ

خلاص بقول الي عندي ولااحد يزعل ويروح

اليوم رحت عند ملامح الصباح ابي افطر عندها ونروح الجامعه مع بعض

المهم طق طق الباب الجرس كلها ازعاج مع الصباح ههههههه

الخدامة عصبت طيب طيب انتي مايسمع انا يقول طيب انا اقوووووول ابعدي عن وجهي لا يجيك كف من عند الباب ملامح ملاااااااااااااااااااااااااامح ي ملاااااااااااااامح ي الدوبه ي كيس نوم خخخ ملامح هلا وغلا اهلين تو مانور البيت

كيس نووووم فضحت خويتها ( نوم ودبه ) شامبوا مع بلسم هههههههههه

تفضلي المجلس الفطور جاهز وكل شي دخلت المجلس الي يرد الروح باااارد والاضاءه الي تجيب النوم ملامح وله حبيبتي شغلي التيفي حطي المجد للقران

اوووك ملامح ما طلبتي شي عاد انا طاااااحسه مو بشويش طااااحسه بقوه

واشغل التيفي وامسك الريم موت كنترول من قناة لقناة اغاني و الصوت ع الاخر

حرام عليك ( وله ) يعني البنت حطته على قناة المجد وانتي قلبتيها ( اغاني ) شكلك تبين الجن والعفاريت ترقص معاكم الله احفظنا
بحفظك ياقوي ياعظيم ... اتخيل الجن الحين قاعدين جنبهم ويضحكون ...

طبعا اهل ملامح كلهم راحوا الدوام مافي احد بالبيت غيرنا شوي ملامح داخله مع الباب ترقص انا اشجعها ايوه عاااشوا ادعسسسسسسس خخخخخخخ

ملامح جلست اقول وله خلينا نفطر ونروح الدوام احسن افطرنا سالفه تسحب سالفه

شوي خلصنا فطور ويلا من قناة لقناه وصلنا ام بيس ي 2 ملامح تعرفي الفلم هادا عااد تويتي قامت تتفلسف أي اعرفه كم مرا تابعته هادا فلم جاكي شان والله خلاص نتااابعه شوي ونطلع اووك الحين الساعه 8 الصباح ومارحنا الجامعه

تبين نصيحتي ( افصلوا احسن لكم ) وفلوها مع جاكي شان و the dark knight rises

ملامح معاي خطة نروح لغرفتي نشغل السماعات ونرقص ع اغنيه وحده بس انا ملامح مافي وقت الساعه 8 الله يهديك خلينا نروح ملامح برطمت خلاص روحي الجامعه مع السواق وانا ماراح اداوم انا لالالالالالا خلاص اغينة بس غيرها لا طيب ونرقص ونرقص توقعوا كم ساعه نرقص ساعتين من الساعة8 لــ الساعه 9

معليش اختي وله مادخلت مخي ذي ( ساعتين من 8 إلى 9 ) اجل من ( 9 إلى 12 ) اربع ساعات هههههههههههههههه

وربي كنا بنفلها اكثر بس خربتها الشغاله زوج انا مافي ودي انتي الجامعه انااا ببكي من القهر شغاله تقهرني لو شغالتنا اقتلها ي ملاااااااااااااامح الحقي عليه الشغاله تقول السواق ماراح اخليه يوصلكم والله ملامح ماقصرت غسلتها غسل اقول قولي لزوجك يشغل السياره ولا مافي راتب هادا الشهر خااافت لو تشوفوا شكلها تموتوا من الضحك الشغاله حااضر مدام ملامح والله وصرتي مدام ي ملامح الدوبه
طلعنا وصلنا للجامعه بالقوه دخلنا متاخرين قالوا لو انعادت مافي دخول للجامعه
وتوته خلصت الحتوته
اتمنى تعجبكم يوميتنا انا وملامحي

الله يعطيك العافية اختي وله على هذه اليومية الرائعة ...

اتحفينا بالمزيد وتشرفنا بتواجدك معنا في هذا المنتدى ..

تحياتي وتقديري لك .

اقتباس:

المشاركة الأصلية كتبت بواسطة ملامح خجولهـ

سلاااام
هلاوغلا فيكم
السالفه وما فيها اني ارد لــ فلة اقصدwllah حق تغير النك
المهم مرا من المرات دقت عليه الووووو الووووو سلام خير وش تبين
اقولك اول ردي السلام ي ستي بعدين حقولك السالفة <<< الاخت تتكلم مصري طيب وعليكم السلام خلاص كدا لا عايزه كامل ي بنتي طيب قولي السالفه وبعدها ارد السلام كااامل بسرعه ولا اقفل اووووك قفلي انتي الخسرانه انالالالالالالالالالالالالا تعالي خلاص لا تقفلين ولاشي يلا وعليكم السلام ورحمة الله وبركااته هلا وغلا فيك أي كدا الناس القميله
السالفه بنعمل شوبنق كلنا انا وبنات خالاتي تجي انتي ولالا انا قالت افكر
اروح ولا ماروح ايش تفكرين يلا ابجيك انا قلت في بالي ي بنت الناس روحي مانتي خسرانه شوي طااااط طووووط فلة وصلت ملامح ي ملامح في الشاارع قدام الله وخلقه فتح الباب السواق كلم زوجته قال خلي ملامح تطلع صديقتها جات انا كنت عند ماما استاذن منها قالت خلاص روحي بس جيبي لي كم غرض من المول طيب تامرين امر ولا يهمك اجيب كل الي طلبته يلا اناطالعه تعالي معاك فلوس يب يب في الصراف
خلاص روحي باااي مامي بااي
وله ملامح بسرعه اطلعي ولا اروح <<< خلاص جايه قصري حسك اهل الحي عرفوا اني طلت من البيت ي الدوبه ركبت السياره سلمت ع الصبايا الحين مشينا بعد صلاة المغرب شوي وصلنا المول من محل لــ محل الحين وله عاادها تتكلم مصري كم مر نحذرها غيري كلامك لا يصيرلك موقف موضحك الحين وما زال الحال ع ماهو عليه
اخر محل دخلته وكااااااااااان مزحوم خلاص تعبنا من الفرفرة وهي بعد داخت قلنا خلاص اخر محل وبنرجع البيت قالت طيب بتكلم بسرعه واطلع الحين تبي عطر وله وياها القزازه حقت عطرها فيه شوي ويخلص
قالت بصوت عاااااااااااااالي محمد التفت صاحب المحل وقال نعم هي في يدها العطر تخيلوا الموقف عدل مششيش مثل هادا العطر تبي تقول مفيش
صاااحب المحل جلس من كثر ما ضحك عليها والزباااين بعد لو تسمعون الصوت كانه في مسرحيه صوت الضحك طالع واحنا لما غلطت صارخنا
وشردنا مااااتقابلنا الا عند السياااره جلسنا نضحك اسبوووع كاامل كل مانشوف فله اقصد وله نتكلم مصري هههههههههههههههههههههههههههه
وتوته خلصت الحتوته <<<تبي تقلد ماااعرفت الاخت خخخخخخ

وله وينك مالك حس ها تغيري نكي مرا تاانيه بعد هادي المرا هع هع

هههههههههههههههههههههه

قسم اني تخيلت الموقف وقعدت اكركر ( ماشيش هااااه خخخخخخخخخخخخخخخخخخخخخخ )

الله يرج بليسك انتي وياها ..

احسن علشان تبطلون تقليد ..


نورتي اليوميات ملامح ربي يسعدك ...


اطيب الاماني .

صلااااااام ي اخواان

نسخكت لكم يوميتي كاتبتها بالمونه وجبتها فيذا لعيون موضوع اسير مب لعيونه >>كفف ههههههههههههههههههههههههههههههههههههه امزح والله


نصها مايلي بس بس يرحم والدينكم سالفه تاخذون التكليجات ومدري وشو لا بطلوها اللي تفهمونه اقروه والا عدوو هع هع

ي زين الشكشكه والتنكس وربي مشتهيه ارقص من قلب

الا على طاري الرقص

تذكرت اول مره ارقص فيها عند اهلي واول مره تدري امي اني ارقص هع

حنا بعائلتنا ايام العيد وتسذا الاجتماعات الكبيرة
لازم ننطم برنامج عشان يخلص اليوم وكل شي سويناه
يعني انا وخيتو عشان عندنا بروجكتر ونعرف للبروربوينت
نسوي عروض على حسب المناسبه يعني اذا هي عيد سوينا بالعرض هيصه واشياء ختييرة
اما اذا عشاء عاتي او شي زي كذا نكتبي نحط اناشيد وبعض المسابقات واخر شي طق وتنكس

المهم مالكم بالطويله
هذا عيد الاضحى العام بعد ماضحينا وخلصنا اجتمعنا ببيت العائله اللي هو بيت جدتي
المغرب اول ماوصلنا تقهوينا وتسذا يوم صارت الساعه 8 ونبدا انا واختي بتوزيع العده
كل شي بمكانه واهم شي ذاك اللي يطلع اشكال وردات ملونه بالجدار ويدور كانه ديسكو>>عشان يطلع الجو خرافي هع
وانا اللي ادير العرض لان اختي من الربكه تحوس كل شي او تتربط ايدينها وتتلخبط ف انا انطق ساعه اقولب بهالعرض
اللي صار اننا شغلنا اناشيد عن العيد ومقاطه طراطيع واستعرنا بعض من صور افراد العائله التذكاريه يعني الطيبين
وبعدها بدينا بالمسابقات والجوائز قطيه بين الجميع وانا واختي نشتريها
بس مب اي جوائز قصمن اشياء ختيييرة هع ( فقس- فازلين -ليفه مواعين-مبخرة-توحفه-توصيلة كهرب- كيسان بلاستك-علك ابو نص- نعال حمام وانتم بكرامه - قدر تيفال اصلي هع - ولاعه - بطازه شحن موبايلي 30 وسوا 50 - وتسذا من هالاشياءات
فيه اشياء حليوه والباقي استهبال مع ان الهدايا ماتهم بس الاهم الجمعه والفله

طبعا انا واختي ندير العرض عند الحريم هع حتى الرجال ماسلمو منا عطيت اخوي كتاب اسئله وهدايا بس قصمن هداياهم غاليه قلنا فشيله نستهبل مع رجال خالاتي فشيله يعني نبي شين يبيض الوجه
ساعه بنت كلب عيني عليها وطقم كبك يخقق ودهن عود من الدخيل ريحته تدوخ ومدري وش بعد نسيت

المهم وقت العرض كلهم يضوفن طابور الحريم على الكنبات والبنات بالارض ع السراميك هع
كل بنت عن امه وكلهم يبحلقون بالجدار

وحنا بالاسئله نسئل جانا ولد خالتي تو بزر وقال لي اصبري لاتسئلين قلت ابشر وش عندك
قال انا ابي اسئل قلت طيب الكل سكت وتحمسنا لسؤاله انا علي العفش كله الاب والسماعات والاسلاك قدامي يعني مايمديني اتحرك شوي قال وشو اللي يطير بالهوا زي البسه هو بس يبدا بحرف الخاء ؟؟

هنا الكل سكت ما اسمع الا اصوات تمتمه شوي قلته حمود حبيبي وشو الجواب قال لا مافيه انتي جاوبي وتاخذين هديه معهم
قلت اوكي تحمست مررره وقعدت افكر وهو بس يكركر ويضحك هالمفعوص

ربع سااعه راح من البرنامج علشان حضرة سؤال الاخ المخيس
امي بجني تقول لي وشو قلت مدري وافكر افكر افكر ماش عجزت قلت يله انت جاوب وبعطيك هديه

قال خال اليسه المشيوته وانا اخذ لابي واقول لامي امسكيه وافز فزه بعد مافصخت الكعب حقي ونط فوق الاسلاك والعفش واروح اطرد وراه بالبيت قصمن من العصبيه اللي فيني
بغيت ادخل قسم الرجال وانا اركض وراه ههههههههههههههههه تخيلت اشكالهم لما يشوفوني هع

بعدين رجعت لهم وكملنا العرض بس جد ترا سؤال معفن هههههههه ودي اكمل عليه للحين حاقده

المهم صارت الساعه بالعشر كذا او 11 وانهي البرنامج وابدا اشغل بالطق والتنكس والفللله الصححح

ويومن امهاتنا يالله الجنه بس يتمرقصن وذي يمين وذي يسار شي وااااااو
بس انا شغلت اغنيه طقها حلوو بس مايحمس يعني شوي قالت لي بنت خالتي شغلي الاغنيه مدري وشي
انا هنا فصلت البروجكتر ووخليت لااستري مشبك بالاب بس يوم شغلت الاغنيه اللي قالتها لي
قصمن قمت انتفض من الرقص اللي فيني بس انا استحي اقوم محد يعرف اني ارقص ابد الا اختي
عشان اني اترقص قدامها ولا بعد استحي منها
طبعا الصاله ماتشوفون احد على الكراسي الا البناتات الشبابات مستحين والا الكل يحوس بالوسط يتمرقص

اللي صار ان اختي جت بتجيب لها مويه ومرت من وسط الحريم كلن حسبها ترقص وقفو يبون يشوفن رقصها بس هي استحت ورجعت اسحبت يديني وقالت ارقصي ياويلي هنا بلمت وتجمدت بمكاني مدري شسوي

شوي الا اسمه الباب اللي بيننا وبين الرجال ينطق وانا اروح اقول مين الا اسمع ولد خالتي يقول تغطوو ياحريم نبي نجي نرقص
قلت خير وش تبي لا احد يجي وين كل الحريم هنا مدري الا اللي فتح الباب على بالي ولد خالتي
مدري الا خالي نط بوجهي الدم نشف بعروقي ما ادري وش اقول قال وين الحريم قلت بالصاله قال قولي لحريم خوالتس يتغطون بدخل واروح اصرخ باعلى صوتي خالي بيدخل هههههههههههههههههه
كلهم وقفو وحريم خوالي لبسو العبايات وقعدو وتغطو
دخل خالي وسلم على خالاتي عايدهن وتسذا
شوي الا قالت له الملعوونه بنته يبه قال لذي ترقص تراه معيه يمه واطير عيوني عليها
وش تبي تبلشني وربي تمنيت الارض تنشق وتبلعني هع

قال شغلوو شي يحمس واللي ترقص من البنات بعطيها 50 ريال وانا قلت لو تحلمون ما ارقص وعشان احر بنته قلت ياخال
انا ما ارقص الا بحاله وحده قال وشي قلت بعرسك الثاني وتجي بنته تكرض وراي بغت تصير هوشه بس قلعته ليه تقول لي ارقصي


المهم امهاتنا قعدو وانا اجي اشغل يادار موضي الشمراني هي حماسيه شوي بس هذا الموجود بجهازي ويومن بنات خالي اللي دخل علينا يرقصن والبنات الثانيات حاطات روسهن براسي
يقولون اذا رقصت جود رقصنا قصمن بلشه
مدري الا اختي تصررررخ علي تقول قومي ارقصي وانا ما اسمعها زين لان صوت الطق علي
يمه الكل قعد يناظر فيني انا واختي يقولون شكلهن حركات بالرقص امي تناظر فينا مو مصدقه اني راح ارقص اصلا انا ما ابي
بس نجود ذي الله يصلحها راحت نادت بنات خالي ويسحبونن من الكرسي لوسط الصاله وخالي قدامي
ياتسبدي تسبداه بس
ويقعدن يرقصن بجنبي بس الرصراحه رقصهن مب شي هو حلوو بس باردمب حماس
قلت اوكي اوكي برقص بس غمضوو عيونكم وامي تناظر وتسمي عليه حسيت اني بمعركه هع هع

المهم واعيد الاغنيه من جديد والبنات واقفات قلت نبدا كلنا مع الدقه شوي الا بدا الطق والطيران ياويلي بس واغمض عيوني واترقص واسمع الكل يصفق وانا وربي
ما اشوف شي مغمضه واللي قدامي خالي وجدتي وامي وخلاتي
وهم يشجعون وانا مازلت مغمضه عنوني يوم فتحت اناظر حوولي مافيه احد يمه
بغى يغمى علي الف وراي اناظر البنات صافات صف ويصفن مدري شسوي واناظر اختي ميته ضحك علي وربي انها تدمع من الضحك
مافيه الا خالتي الصغيرة ترقص معي ي فديتها
وربي حقدت على البنات واخر شي خربتها وجبت طرحه وقمت ارقص من الحبتين المصريه اللي اعرفها هع ونسيت ان خالي موجود
الا يوم انتهت الدقة وقفت واحس راسي يستدير 6دقايق وانا اترقص واحوس
يوم سكت الكل وانا بديت اركز انتبهت ان خالي موجود ياااااربااااااه واركض اتغبى ورا امي >>ادري حركات بزران بي وش اسوي هذا اللي سويته ذاك اليوم
شوي تقول امي محاضرة فيني ادري اسم الله علي انا مسويه اشياءات دميله بالرقص تقول مب بنتي ذي
بنتي ماتعرف ترقص ولا تحب الرقص فديتها امي ماتدري عني ارقص عند اختي بس

اممممممم واخرتها يعطيني خالي 20 ريال واختي 10 ويعطي مرته 50 ريال قهرني ليه يسوي تسذا بس يله ماعليش تمشي رحت دقيت على البقاله وطلبت لنا انا والبنيات اشياءات حلووه وسهرنا عليها لين اذان الفجر




وبث خلصت الحتوته
تعبت وانا اكتب

هههههههههههههههههههههه ,, ليش البنات يسوون عاقلات قدام الخوال ,,
ويجي لحظه غبيه مخيسه تطيح هيبتس عندهم اووووم الاحراج السافل ,,
نفسي كنت موجوده اتطمش بس ,,
اهني فيتس انتي وخيتس روح الحماس والتحفيز للاجواء باي مناسبه احب هالاشياءات ,,
الله يسعدكم يآرب
اقول قومي ارقصي ابي اشوف رقصتس ,,>بتصفق

هههههههههههههههههههههههههههههههههههههه شفتي عااد

اللحين كل مارحت وكل ماجيت قالو انتي عندتس شي يبي من يطلعه غصب عنتس

يحسبون عندي مواهب ثانيه هههههههههههههههههه اجل وش بيسوون لو درو ان صوتي اطلق من شما المخيسه >> ياتسذبها تسذبااااه هههههههههههههههههه

والله طاح برستيجي الله يخلف عليه بس هههههههههههههههههههههههههههههههههههههه

اقول طسي مابقى الا الرقص فيذا هع اذا شفتس راقصه رقصت خخخخخخخخخخ>>تساومها هع

ههههههههاااااي بنات اهجدن عيب وشو رقصه فيذا
الا اقول ماعندكم شال مصريه ابو قروش يتدودلن >> تبي ترقص مصري ههههههههههههههه
بنات ترى بيجي اسير ويلاحقنا بالعصى ههههههههههههههههههههه >>شكله تسذا هع هع

هههههههههههههههههههههههههههههههههههههههههههههههههه هههههههاااااااااااي
اركدي باسم الله عليتس محد يطري الرقص قدامتس ي الخاينه اووووش بس هههههههههههههههههه

هههههههههههههههههههههههههه ,, تبين اجيب لتتس شال مصريه
من بياعات ع البحر خيااااس ,,,
اي انا عادي برقص قدامكم >تبيها ترقص ثم تسحب عليها
حد جاب طاري اسير ^^
ترى مداوم الحين مو حولنا تعالوا نترقص بس خخخخخ>بتنجلدين الحين او بعد حين