~ يــارضـاهــا وـقـف ونــاــظـر شـوي ~

لا تطرق الباب حـزن البـاب مـن قـده

خله على الضيـق والأيـام تحيـا بـه..

محتار/ عايش على الأحـزان مـع سـده

يا شينها يـوم كـل النـاس تجفـا بـه..

خلـوا مزاليـج بابـي واتركـوا شــده

ما والله أكشف عن الأسبـاب وغيابـه..

يا كثر مـا تطـرق دموعـي علـى خـده

ثم أرتشف كأس صمتي والحـزن غابـه..

وأقـرا تباريـح ليـل طـال مـا هــده

كثر العنـا والشقـا والحـزن وأسبابـه..

أسأل عن اللـي غـدا بالحلـم وش حـده

يطعن لي الضلع ويسافر علـى أسرابـه..

وأحسب خسارات حلمـي وأخطـي بعـده

وأرجع وألملـم كسـور العـد وأتعابـه..

لقيت عزمـي يضيـع ومـاش مـن رده

ولقيت صدري يضـج ويطـرق أبوابـه..

عرفت بأنـي وحيـد النـاس مـن ضـده

وألا أسألوا الشعر طرق الحزن وش جابه..

مدري هو القلب يقوى البعـد مـن جـده

مصـدوم وألا تعـود صدمـة أصحابـه..

لا تطرق الحزن خـل الحـزن فـي مـده

وأحـذر تغـص وتسـم القلـب بعتابـه..