أبجدية حزن فاضي

أبجدية , حزن , فاضي

أبجدية حزن فاضي

جيت أأبجد كل حزني..

مابديت من الألف

خفت لا أضعف كثير ..

وخفت أنا لا أختلف

وخفت لا أوصل لأمس الي مقيد في ايديني ..

واعترف

وخفت

ما أوصل لباكر

يوم أكون بلحظة احساسي معك

قلت :

أسـافر ..!!

خفت من نفس السؤال الي جرحني من سنين

لسا فاكر؟

خفت لو قلبي بيعطي لك امان

والا كلمة ترجع الحزن الي كان

كيف ابقضي الدنيا معك !!؟؟

قلت :

أأبجد كل حزني من هنا

يكفيني ان الليل انتي وانتي الليل .. وانا

ويكفي ان الابجديه ماتسعنا كلنا ..

او تسعنا كلنا

وش عليه ..؟؟

لو خرجنا من تفاصيل الكلام المستطيل ..

في حدود ابعادنا

ولو تمردنا على الصبر الجميل ..

في رجا ميعادنا

نعترف !!؟؟

ليه مانوصل لباكر لو مسكنا آخره ..!!؟؟

باختصاااار ..!!

اننا مانتحد

واننا مانبتعد

واننا نشرب بعضنا من بعضنا

واننا ننسى التفاصيل الصغيره والكبيره

أبجديه كل عاشق في عيونه

لو يخون البوح مره ..

ما أظن عينه تخونه

وانتي في عيونك كلام ..

مادريت هو حلال والا حرام ..؟؟

بس ابشرب من عيونك لو أموت

قد سمعتي :

عن سنابل تشرب المزن وتموت ..!!؟؟

قد سمعتي :

عن قلب شالوا البارح حبيبه مانفطر له ..!!؟؟

قد سمعتي :

عن حبيب سافر البارح حبيبه مانتظر له ..!!؟؟

كل هذي ذكريات

.. شي حي وشي مات

أبجدية حزن فاضي

شي حاضر وشي ماضي

مالنا فيها مكان

لو تشوفين المداين في عيوني مشبعه سلم وأمان

تعرفين ايش يشبه الليل في عيونك ..!!؟؟

غير هذي اللحظه اللي في عيونك ساهره ..!!

يشبه الليل في عيونك :

حلم في قلبي النحيل اللي قبالك

اللي ماجيت لقلبه

بس غنى لك لحالك ..!!

وش عليه !!؟؟

وش بيطلع من ورى هالباب لو مانقفله ؟

شفتي ان الابجديه أسئله في أسئله !؟

أبجدية ليل فاضي مااثقله ..

شفتي ان الابجديه في كلامي

مثل تشكيل الاسامي

مع احترامي

شكلني من ألف صوتي الى يائي اساامي

وان لقيتني أحد

قول انه كان جنبي ..!!

يعرف اني صدق انثى
بس مو انثى جسد

في هذيك اللحظه وبس :
غمضي عينك

وناااااااااااااااااامي ..

ونااااااااامي ..
وناااامي ..

الموضوع الأصلي: أبجدية حزن فاضي || الكاتب: تعبت الظلم واجحافك || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

المصدر: منتديات كلك غلا

---

Hf[]dm p.k thqd p.k