قصصيدة الكيميآء

الكيميآء , قصصيدة

قصصيدة الكيميآء

كيف ترحل ؟! يعني أقعد وأنتظر لحظـة شقـاي
وأنتثر بين القصيد اللـي كتبتـه يـوم ضقـت
كيف ترحل ( شهر ونص ) ولاتبي يرجع بلاي؟!
شف قبل يوم ان تغيب أسبوع وشلون أحترقـت
لاتقول غيـاب عـادي وأنهـا فتـره وجـاي
البلا لو غبت ليله .. ضاق صـدري وأختنقـت
لاتلوم ان قلت ابيك تكـون كـل لحظـه معـاي
لو أقول أني ابصبر فـي غيابـك .. ماصدقـت
شف غيابك وش يسوّي في سنيني مـن وراي
من تمر سنين عمـري قلـت ليتـي ماعشقـت
كم عطشتك في غيابك ليـن مايبسـت شفـاي
وكم رسمتك بالمنـام وطالـت أحلامـي ورقـت
وكم يسمونـك خطـاي وأفتخـر أنـك خطـاي
وكم سرقت القلب مني وأفتخـر أنـك سرقـت
والله أنّي مـا ابالـغ لـو أقـول أنـك غـلاي
وش غلاي ؟! إلا الصراحه إنّك اغلى مانطقـت
لو اشوفك قمت ألملـم عمـري لآخـر مـداي
وأنفتح مـزلاج صـدري للقصايـد وأنطلقـت
يابعد علمـك ودرس الكيميـاء ياأكبـر منـاي
جيت اببحر في عيونك لكـن بسرعـه غرقـت
خلنا بس من تجارب ( معملك ) وأفتح حشـاي
وخذ تجارب معمل ٍ بالقلـب يعمـل كـل وقـت
هيدروجين اثنيـن + اوكسجيـن يكـون مـاي
طيّب أصبر جبت غيره مـن خيالـي وأختلقـت
بسمتـك + عيونـك يطلـع الناتـج هــواي
تجربة عاشق لو أنك تكشف احساسـه شهقـت
ياحبيبـي ياقصيـد الحـب يابسمـة مـسـاي
لاطرالـي أنـك تغيـب وتخلينـي .. زهـقـت
كيف ترحل ؟! ثم تتركني لحالـي مـع شقـاي
وتنثر أوجاعي على شعر ٍ كتبته يـوم ضقـت

الموضوع الأصلي: قصصيدة الكيميآء || الكاتب: مسريها || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

المصدر: منتديات كلك غلا

---

rwwd]m hg;dldNx