سالفه وقصيده على اط وآطا

وآطا , وقصيده , اّ , سالفه , على

سالفه وقصيده على اط وآطا

الشاعره وضحى العواد لها قصه جميله مع ابن اخيها سعد العواد
فقد كان يزورها بين فتره واخرى بقصد صلة الرحم ويلقى على مسامعها البيت والبيتين من الشعر وهي لا تقول شيئا لانها اعتزلت الشعر بعد فترة من حياتها
وذات يوم قال لها عندي قصيده ان رديتي عليها فلك لك حق ورات وضحى عمته ان لا بد من كبح جماحه فاستجابت له وقالت هات ما عندك فقال قصديته التاليه وقصده يمتحنها لصعوبة القافيه

امس القدم في مرقب اهل الشق نط ** ووسمت لك قاف على أط وآطا
من لا يعرف الغوص يبعد عن الشط ** خلي نغاص بغبته وانتباطا
اصير انا واياك في الشيل والحط ** كانك على خبري بفكرك نشاطا
جفني اليا جا الليل بالنوم ما غط ** وانتي جفونك كان فيها خياطا
وجدي وجود اسير قوم مربط ** قاموا يصوطونه بصلف الصياطا
ان صاح جلاده بجلده تسلط ** وان زاد تعذيبه يزيد العياطا
من قام مثلي عن مكانه وفرط ** ما عاد بالرحمه لرجليه ماطا
واليا حكى ما عاد يمدي تورط ** واليا سكت ما فاد كثر الصباطا
من عجز لا يرقا الطويله يقلط ** من حوضها من تحت يلقى البطاطا
شربت شي صاحبه ما تشرط ** ولا عن المقسوم خذت احتياطا
والاي في سوط القشر سابقي عط ** هذا الصحيح ولا نويت الغلاطا

وعندما انتهى من قصيدته على الفور ردت عليه عمته وضحى القصيده التاليه
يا دخيل قم دن حبر مع الخط ** واكتب سلامي واحكمه باحتياطا
خبر ولد عمك وقل لا تورط ** ما ينفع الرجال كثر المطاطا
واليا وصلته قل عسى الوجه يلهط ** لو عسر الطاروق نرقى اللطاطا
بيوتنا مثل المخابيط تنقط **من كوكب مثل البحر ما يهاطا
كان انت قوماني فانا اقول لك وط ** والحقك لو دونك عسام وغطاطا
تقول لي لكن جفنك مخيط **ليتك نشدت المطرحه والبصاطا
لكن يضرب ناظر العين مخيط ** وان جيت اغمض كن فيها حماطا
ما ينفعك زاد ليا ما تخرط ** ويقطعك يا زد بدون انخراطا
كان انت ترجي لك خماج ليابط ** عز الله انك مهمل بانفراطا
الناس تجني من ثمرها وتحتط ** تلقط مع التفاح خوخ وطماطا

اتمنى ان تحوز على رضاااكم

والي بالخط الاحمر اهداااء للي يحب التفااااح

الموضوع الأصلي: سالفه وقصيده على اط وآطا || الكاتب: سراااب نجد || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

المصدر: منتديات كلك غلا

---

shgti ,rwd]i ugn h' ,N'h ,rwd]i h~ shgti