قالو حزنت فما دهاك تقهقروا,,,قلت المصيبة فوق ماتتصوروا

أطـنــخ تـدلــل دام أنـــا وانـــت حـيـيــن

تـفـداك روحــي كـــان روحـــي تـســدك

بــلـــدك قـلــبــي والـــشـــوارع شــرايــيــن

تمشي مـع الشريـان مـن حيـث ودك

مر"ن" تمشـى داخـل العيـن يـا عيـن

ومــر"ن" تـخـش الـفـكـر مـحــد يـــردك

ومــره تـخـيـم فالـحـشـا بـيــن ضلـعـيـن

وعـلــى غـديــر الـــود تـرشــف بــيــدك

ومــره تصرخـهـا عـلـى الـكـبـد بثـنـيـن

زاحـــف عـلــى كـيـفـك ولا فـيــة قــــدك

مطغيك جيش الحسـن بعتـاده الزيـن

امدمـرنـبـة مـــن وقــــف فــــي مــهــدك

الــنـــووي الـمــلــح لا خــالــطــه لـــيـــن

والـــذري الـشـامـة عـلــى جـــال خـــدك

مـوت حمـر إن جيتـك يسـار ويمـيـن

ضبي "ن" جفول وتتعب اللي يشدك

مفـلاك فـي جـوفـي وجـوفـي بساتـيـن

تـنــبــت نــفـــل غــــــلاك وخــــــزام ودك

والشـوق نبتـه فايـح "ن" بالرياحييـن

يحيـى عـلـى شـوفـك ويابـسـه صــدك

ودي عليـك أغمـض الجفـن عامـيـن

ووســـــدك صـــبـــي عــيــنــي وأمــــــدك

وأسكنك في العين من هيـن لا هيـن

ومن زود حرصي كل يـوم"ن" أعـدك

يـا حـضـرة السلـطـان قـلـي إلــى أيــن

قــد أجــدوا فــي دولــة الـعـشـق حـــدك

ملـكـت مـلـكـاً فـــاق مـلــك السـلاطـيـن

فــلـــم ولـــــن يــأتـــي لـقـبـلــك وبــعـــدك

أطـنــخ تـدلــل دام أنـــا وأنـــت حـيـيــن

تـفـداك روحــي كـــان روحـــي تـســدك

الشاعر:سعد مشعل السبيعي