~ يــارضـاهــا وـقـف ونــاــظـر شـوي ~

برحل وباتي أذاني بقدر آتي
بس أخاف أرحل ولا عاد أقدر.. آتي

لان هذا حظي وهذي صدوفه
يكره أستقراري ويغلي شتاتي

وعاد عقلي .. كل ماجيت اتشتت
يحسب أشتاتي على قدر أمنياتي

والبلا.. أن كل ماعقلي .. تمنى
ماحصل لا في شتاتي .. ولا ثباتي

يمكن أن وضعي وضع سيىء .. ويمكن
ماتحمل جسمي .. كبار أشهواتي

والدليل أن ودي ما أرحل وشفني
أربط أشلائي بمحزم .. ذكرياتي

ياحبيبي .. ليتني ماكنت أحبك
لجل أحبك .دبل. وأأسوي سواتي

يعني كل شي حطه فعقلك .. وحاته
الا بخصوص أني أحبك .. لاتحاتي

لمني .. وامسح دموعك .. وأبتسملي
وحبني منا ... ورتب حاجياتي

وأعرف أن ماودي أتكلم ولا أبكي
بس دايم دمعي يحرك سكاتي

شي واحد قبل لا أرحل بقوله
أنت .. أجمل حض سيىء في .. حياتي