رواية الأنذار الأخير 4

الأنذار , الأخير , رواية

رواية الأنذار الأخير 4

الدكتورة :- و أنت جبت الفلوس منين .
العجوز :- احسبي واحد كل همه يحوش علشان يفتح المطعم بتاعه شغال خمس أو ست سنين يدوب بيصرف قليل .
الدكتورة :- طيب أيه هي الخطوة الأصعب .
العجوز :- معرفة الناس , خلتها تقول لامها أنها اتجوزتني و أنها حامل مني في الشهر الثاني و إننا كنا بنتقابل في السر , المهم البت أتكلمت مع أمها , أمها اتصدمت طبعاً و قالت لأبوها كان في احتمالات كتيره أنا متوقعها كان اسوائها يقتلنا أحنا الاثنين و الاسواء منها أننا نتجوز و بعد كده يطلقنا بس هو بصراحة طلع راجل عاقل لقيته جيلي الشغل طبعاً عملت فيه عبيط و سألته إن كان فيه حاجه قعته و طلبتله حاجه يشربها بس هو رفض و قلي انه عوز يكلمني علي انفراد في مكان بعيد المهم اخدت أذن من الشغل و رحت معه في كازينو علي النيل طول الطريق كان ساكت حسية انه مكسور كان صعبان عليه قوي , حسية سعتها إني هعترفله باللعبة إلي أنا عملتها مع بنته بس أتمالكت نفسي مش بس علشانها لكن كمان علشاني , علشان أنا خلاص أتورطت في الحكاية ده .
الدكتورة :- و عمك عمل معاك ايه .
العجوز :- بعد مقدمة طويلة عن الشرف و الاخلاق كنت فاهم هو بيرمي علي إيه و كان صعبان عليه و كنت عوز يقول إلي عنده و خلاص لان وقوع البلاء ولا انتظره المهم قالي انه عرف أني متجوز بنته في السر و أن ده فعل طائش شباب غير مسئول و بعدين قالي أن الحل الأمثل أننا نعمل فرح و اقعد عندهم و بعدين نشوف الأيام هترسي علي إيه , و أنا طبعاً الفرحة مش سيعاني و الندم و الحسرة قتلاني مش عارف افرح أني هتجوز حبي الوحيد و هتستر عليها من الفضيحة ولا ازعل علي العيل الي هيتكتب علي اسمي و هو مش من صلبي ولا علي شكلي قدام الناس و العيله كان زبالة , شعور متناقض كان أول مرة أحس به بعد اليوم ده حسية إني واحد تاني كل القيم إلي كنت بتغني بيها أتبخرت .
الدكتورة و هي تتوقع اجابة السؤال :- تفتكر لو كانت واحدة تانيه تعرفها و تحترمها و وقعت في نفس المشكلة كانت رد فعلك هيبقي هو هو ؟
العجوز :- لا طبعاً لان الإنسان بيتصرف علي حسب عوطفه من شخص إلي أخر يعني مثلاً أنتي لو حصلت مصيبة لشخص أنتي بتكرهيه هتزعلي ولا ممكن توصل بيكي الدرجة انك تشمتي فيه , بالتاكيد مش هتزعلي , طيب لو حد متعرفهموش ممكن بنفس المصيبة تتأثري أنما لو تعرفيه و بتحبيه أو بتحترميه ممكن تعيطي علي حاله .
الدكتورة :- مش بقولك تنفع تبقي دكتور نفسي .
العجوز :- و هو أنت فكر واحد زيي وصل للانا وصلتله من غير ما اعرف الناس بتفكر أذاي , و علي فكر في ناس كتير اعرفها مش متعلمه و أحسن من أي دكتور نفساني ممكن يحللك و يقولك أنتي بتفكري في إيه .
الدكتورة :- ايوه بس العلم مهم .
العجوز :- صح بس في ناس ربنا وهبهم الهبه ده و علشان تعرفي إن العلم مهم أنا جتلك .
الدكتورة مبتسمه :- و ولدتك و اخواتك كان ايه موقفهم عملوه ايه معاك .
العجوز :- قطعوني طبعاً و مرحوش الفرح و قعدوا كتير ميكلمنيش لحد مخلفت .
الدكتورة :- طيب و عمك و مراته و اخوتها .
العجوز :- في الأول الوضع كان صعب بس أنا قدرت اكسب ثقتهم مع الوقت .
الدكتورة :- طيب و مراتك كانت المعاملة مبنكم إذاي .
العجوز:- كانت مكسورة قدامي كنت بحس سعت إني قاسي عليها , ياااه شوفي ممكن غلطة وحده الإنسان يعملها تعمل إيه فيه يعني أنتي كان ممكن تتخيلي لو أنا اتجوزتها عاد كنت هحس أنها ملكتي و تاج راسي .
الدكتورة :- يعني أنت مسمحتهاش .
العجوز :- الراجل ممكن يسامح في أي حاجة تكبره دلعها حتى عدم احترمها ليه انم اده لا مفيش راجل شرقي يقدر يسامح و يغفر بنسبة 100% .
الدكتورة :- أنت اعتبرتها خناتك .
العجوز :- ايوه , و ده جرحني منها .
الدكتورة :- طيب لو كانت أتجوزت حد تاني كان هبيقي نفس موقفك .
العجوز :- بالتاكيد لا , صحيح كنت زعلت بس كنت أتمنيت ليها حياة سعيدة .
الدكتورة :- بس هي بقت مراتك و هو ده إلي أنت كنت بتمنيته و سعتله , يعني قصدي انك كان ممكن توحد حل تاني صحيح كان هيبقي صعب بس أنت حتى مفكرتش كل تفكيرك سعتها انك تتجوزها يكمن بعد كده ندمت علي قرارك بس في اللحظة إلي أنت قلتلها نتجوز ده كان علشانك اكتر ما يكون علشانها .
العجوز :- معاكي حق .
الدكتورة :- و بعدين .
العجوز :- مفيش ليلة الدخلة ها , مجازن علي اعتبار أن ده اسمها كده يعني و بعد ما أتقفل علينا باب واحد سألتها " أنتي خبيتي عليه حاجة " فقالتلي " قصدك ايه " فقلتلها " خلص إلي أنتي خيفة منه انتهى و ممكن تقوليلي الحقيقة " فقالت " مفيش حاجة أنا خبتها عنك " فقلتها " طيب لازم تعرفي أني في اللحظة إلي هكتشف فيها انك خبيتي عني حاجة في الموضوع ده هتكوني طالق مني و مش بس كده لا إلي هيسألني عن السبب هقوله الحقيقة كلها ".
الدكتورة :- و هي قلتلك ايه .
و قبل ان يكمل العجوز حديثه يدخل رجل في الثلاثنيات من عمره الجلسه ليقول :- آسف علي المقاطعة بس معالي رئيس الوزراء علي التليفون , و أنا قلتله إن حضرتك نايم فقالي صحيه .

ليخذ العجوز الهاتف ثم يقوم بتغير صوته كأنه لا يزال في نوماً عميق " الوه , ايوه معاك , حضر بكره الصبح هيكون الموضوع خلص , متقلقش , أنا عارف أنا هعمل إيه , سلام " ليعطي الهاتف إلي الرجل و يشير إليه بالانصراف لينصرف و يغلق الباب ليقول العجوز بصوته العادي " معلش يا دكتورة عندي شغل , تحبي نتقابل أمتي".
الدكتورة :- بكره كويس .
العجوز:- لا , طيب الخميس ينسبك .
الدكتورة :- للأسف الخميس و الجمعة مسافرة مع جوزي و الأولاد .
العجوز :- يبقي الأحد .
الدكتورة :- ماشي .

الموضوع الأصلي: رواية الأنذار الأخير 4 || الكاتب: حكايه عاشقه || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات