منتديات كلك غلا - عرض مشاركة واحدة - لو تحطم لك امل ....اعرف ان الله يحبك وابتسم

05-25-2010, 03:53 PM

كل كاتب ,, يبدأ بسرد قصصه فصل ورى فصل
بدايته << رقم واحد ,,
ونهايته << س من الارقام !!
اما انا ,, ولأنني لا اجيد حرف الكُتاب ’’
سوى اني حبيت اخط قصتي باحرف دمي ,, وصدق شعوري ,,
وذكرياتي اللي اتذكرها انا وامي وابي وكل من عايش فصولها
عشان كذا سأبدأ بالفصل الاخير ,,, لانه بدايه لآلامـــــي ,,

ِِِِِِ

مقتطفات سريعه ما قبل الفصل الاخير !!!

,,, مراحلي اللي سبقت ,,, { ابتدائي ’’ متوسط ’’ ثانوي }
كانت حافله الحمد لله بكل الانجازات ,, من تفوق ,, وتعب ,, ودراسه ,,
وسهر الليالي الملاح خخخخخخ ,, والوناسه ,,,

كنت شاطره ,, ومؤدبه ,,, ورسامه ......الخ
اعتبرها مرحله فخر لامي وابوي على حد قولهم : )
كان دور الوالدين جدا قوي سواء علي او على اخواني
كان ابوي شخصيه تربويه من الدرجه الاولى ,, بحكم عمله بمجال التعليم
كان شديد ,,, صارم ,,, هيبه ,,, الكل يحسب له الف حساب ومنهم مدارسنا انا واخواني
ومع هذي الشده كلها ( كان ومازال اطيب واحن قلب عرفته بحياتي )
على كثر عصبيته ,,, الا انه حليم باغلب الاحيان ,,
على كثر ماكنا نخاف منه ,,, الا كان حنانه مغرقنا ..
كنا نلجأ له بكل امورنا الدراسيه ,,, مذاكره ,, واجبات ,, كل شي لدرجه انه كان ينمي مواهبنا
ويشجعنا ,,, << اتذكر كان ياخذ دورات في الخط العربي
وكل عصريه بعد مانذاكر يسوي لنا حصص مكثفه للخط العربي : )
كان ماتفوته لا شارده ولا وارده الا ويوقف عندها
بس بصراحه من شده اهتمامه صرنا اتكاليين درجــــــــــه اولى !!!
اخواني يقولون لولا الله ثم الوالد وحرصه علينا ماكان كملنا كلياتنا ,,
وبرضوا انا احس صرت ما اتخذ اي قرار الا والجأ له حتى وان كان هالقرار مايستاهل انه يذكر
على سبيل المثال ( يوم دخلت الثانوي ما كنت اعرف ولا بنت من المدرسه وكنت مرررره متضايقه بدايه السنه ,, قام هو بدوره كلم واحد من اصحابه بنته معايا بالمدرسه وخلاها تتعرف علي
ووصى ابوها انها تجلس تفطر معايا << دايم يلقى مصروفي كامل : (
الله يعطيه العافيه اقسم بالله لو اجلس اتكلم من هنا لبكره
ماراح اوفيه حقه ,,
نجي لدور ست الحبايب ربي يسعدها كانت اللي من وراء الكواليس
تخطط ,, تسعى ,, تتعب
واحنا ننفذ ’’
كانت دعواتها لنا ما تنقطع من كلامها ,,
سبحاااان اللي خلقها حنونه وهااااديه زي النسمه
وبمجرد ما تكون معانا نحس بالمان والاطمئنان
وكنت لازم اخذ رايها بكل شي ,, فديتها
والحمد لله مرت هالمراحل كلها بسلام ,, وكانت من احلى مايكون
والفضل يرجع لله ثم وقفه امي وابوي معايا ,,,,

يتبع >>>>>>>>