منتديات كلك غلا - عرض مشاركة واحدة

04-10-2010, 02:50 AM

عجـزت أنـا أخـفـي دمعة بعيـن شـاعـر
لا مـن بكـا قـالـوا .. ضعيف ومطعـون

تعبـت أنـا غـربيـة .. وقـلـبي مسـافـر
يـمـر طيـفٍ .. ماسكـن قـلـب وعـيـون

تعبـت .. قـلـبٍ تحتـضـر بـه مشـاعـر
تعبـت أنـاقـض قـلـب عـاقـل ومجنـون

أمـوّت كـلمـة .. والقصـايـد تنـاظـر
حـرفٍ قتلنـي .. وبـاقي الحـرف مغبـون

تعبـت أجـسـد معاناتي بـالدفـاتـر
وجـه بخيـالـي وسـط نـاسٍ يمـرون

تعبـت أحيـا بكـل يوم واغـامـر
أرمـي بروحـي في متاهـات وظنـون

تعبـت اصـدّق والخـديـعـه تجـاهـر
والصـدق .. ميّـت بالحقيـقـه ومـدفـون

تعبـت أنـادي .. كـنّ حـولـي مقـابـر
أصـرخ وصـوتي .. بالصـدى يجـرح الكـون

أجـي غـريبـه .. وارجـع بكسـر خـاطـر
أجـي وأعـوّد .. خـافـقـي كـله طـعـون