وياموت ليه ماتزف التباشير
روحي عسى الله يجعل بدربك الخير
وعسى الفرح يجعلك له دوم عاده
والله لحبك كثر ماغرد الطير
طيفك هواء بالي وغآيه مراده
ينساق لك فكري على غير تقرير
ودمعي على طاريك زاد إنسراده
أحييت في دمعي زهور ونواوير
وارويت منه لارض قبل الوساده
وبكت على حالي غصون وعصافير
ومشيت مقفي عن دروب السعاده
أمشي ولا ادري وين أنا ناوي أسير
إستغفر الله صار مشييي عباده
صوب المكان اللي به اغلى المقادير
لجيت به حسيت نبضي زياده
ارسل به النضره وازيد التفاكير
وأنسى البشر واعيش جو الركاده
وأصفف إشعوري على ارضه طوابير
وأنضم له إعقود الغلاء كا القلاده
حتى ثراه عن الثري ميزته غير
قلبي عليه إشتد والله إجهاده
يــاناس قولو لي تراى ماني بخير
من عقب خلى عشت هم ونكآده
قلبي ورى إضلوعي إو سطه دوافير
من حرهن كني بحرب الإباده
أسهرمع النجمه إلى حزه إعصير
طعامي إدموع الشقاء والقراده
جسم نحل كنه إدقاق المسامير
وفكري تميز ياعرب بنفراده
ويالله تفرجها قبل لعكس السير
وأجيب عيدٍ ما حسبنا عياده
وياموت ليه ماتزف التباشير
يمكن على قبري يجي دون إراده
ويبكى يقول إعذر على كل تقصير
وارضى واسمح ما اطلبته إزياده
يكفيني أسمع قرع نعله هوإيسير
ويكفيني إنه جاء للقبر دون إراده
,dhl,j gdi lhj.t hgjfhadv lhj.t ,dhl,j
|