مات حبك والبقية في حياتك
في حنايا خافقي لاقى مصيره
خذ مع الجثمان باقي ذكرياتك
تجربه حبي معك كانت مريره
مايعرف الحب من سوى سواتك
يجهل الإخلاص من ضيع ضميره
غرني ياصاحبي ظاهر صفاتك
غلطتي يا للأسف كانت كبيره
-montada.com
صديقنا الصادق بروحي فديته
وعدونا يخذل ويقهر وينظام
وللاش ولد اللاش لامن لقيته
مع كلاب الضير نرمي له عظام
وأنا معك بمشي بدرب مشيته
سوا سوا لاقلت قدام قدام
montada.com
من دون ماأقصد ياهوى البال مريت
قدام بابك وأنجبرت أشتكيله
ياباب قله في عذابي تماديت
ومرت على فراقه سنين طويله
شوقي فضحني في عيوني وصديت
الدمع مايرحم وماقويت أشيله
-montada.com
العام رجلي بالطويله تعدي
واليوم كني مكتف الرجل تكتيف
ضيعت عمري في أسترح وأستعدي
نوب جزاء ونوب أنقريه وتنظيف
يارجل سجي وياعين لدي
لديار نجد وعاليات المشاريف
montada.com
مني للغالي سلام وتراحيب
مضمونها تقدير من قلب صافي
سلام ياراعي الوفاء والمواجيب
سلام يارجل مع الناس وافي
أجيك لو ماأرسلت يمي مناديب
آصلك لو أني على الرجل حافي
montada.com
خانت الأيام شخص مايخون
ولاهقيت أنه كذا طبع الزمن
كيف أصبر وأعيش مغبون
كيف اداف طالما الحظ أندفن
بس ليه أشكي وأحسب للظنون
وراس مالي تالي الدنيا كفن
ذي بداية والنهاية وش تكون
هو يزول الهم عني ما أظن
montada.com
سافر حبيبي مابقى غير تذكار
تذكار عين للمحبة سهيره
سافر وقلبي من عنا البعد صبار
مبعد من عيوني وقلبي يديره
أجامل الضحكة وقلبي على نار
والجمر في جوفي تزايد سعيره
ـــــ
عرفت بحياتي لوعت الوقت والحرمان
وعرفت العذاب وتعبت أميز ألوانه
وجلست أذكر الماضي على قول كان وكان
غرام حفظته ياعسى صاحبي صانه
تراك بحياتي نابض القلب والشريان
ودونك حياتي ياهوى البال خسرانه
------------montada.com ----------
سلام ياشيخ تربى على الطيب
سلام يارجل عزيز وغالي
تعيش ياحر تعلى المراقيب
حر ولد حر على الرجم عالي
يحتار فيه الشعر تشريق وتغريب
رجل عزيز النفس ماله مثالي
رجل الوقفات راع المواجيب
صلف على الصكات مابه جدالي
---------montada.com --------
غايتي ومناي بالدنيا رضاك
لو يقولون العرب صابه جنون
لو جفوني من نهوني عن هواك
لو رضيت فراقهم عندي يهون
لو تغيب سنين قلبي مانساك
لو تعذبه المواجع والطعون
حالف ماأنساك لو بعدك هلاك
ومن حفظ عهد المحبة مايخون
-----------montada.com ---------
هذي رسالة تاصلك في قصيدة
فيها بأعبر لك من القلب بإحساس
أببتدي وياك صفحة جديده
ولا أتركك وأتوب ياشمعة الناس
لا تبتعد عني بديره بعيده
كيف يتحمل غيبتك قلب حساس
----------montada.com --------
وصلك مثل غيم الربيع أستخيله
وأنا على باب المحبة رجاوي
حاولت قربك مالقيت الوسيله
أنا أشهد أني بالمحبة شقاوي
مالي على مايجري اليوم حيله
ولاني على بعد المحبين قاوي
--------montada.com ------