على ماسنجري جتنـي اضافـة
وأنا من عادتـي فينـي لقافـه
قبلت الدعوة وقلت أنت من هـو
وش أسمك كان مافيهـا كلافـه
وردّت لي وهي تكتب بالأحمـر
أنـا حرمـة ومـدّت فالمسافـه
أنا إيمـان مـن دولـة شقيقـة
وقلت أهلين وأبديـت الضيافـه
هـلا بالـورد ياأهـلا وسهـلا
هـلا باللـي يسـوّون الكنافـه
هلا بك آمـري سمّـي وقولـي
ابي أخدمك لو هـو شـي تافـه
وردّت ماأبـي خدمـة ولـكـن
ابتناقـش معـك حـول الثقافـه
وبنت الناس ذي قامت تسولـف
وأنـا حبّيتهـا والحـب آفــه
تسولـف فالكتابـة والقصـايـد
وتتكلّم عـن عيـوب الصحافـه
ورحت مغيّر الموضوع وأدخـل
في موضوع الهوى، قالت سخافه
وقلت شلون؟؟؟ عنتر حبّ عبلة
وقالـت طيـر ياعمّـي خرافـه
أنا غلطانة أصلاً يـوم أضفتـك
وسوّت لي حظر بعـد الإضافـه
وســــلآمــتــكــم