له , من , ودفنه , يصفق , كان

ودفنه من كان يصفق له ~

السلام عليكم ورحمة الله وبركاته

كيف ـالحآال ان شاءالله بخير .. عيدكم مبآرك أعياااااد دائمه ياااارب ,,





في سآحة العرض بينمآ الكل منسجم ويشاهد تفحيط فلان سرعة علآن

تهور هالشآب واندفع بكل مالديه في الدراجه النآريه بغرض يبي يدهش الحضور

يبي يلفت الأنظآر ..

كل الأنظآر اللي على صديقه المتهور زيه يبيهآ تصير له هو ..


جاء طاااير بدراجته نآسي نفسه بس يبي يحصل على تعجب الآخرين عشان يقولون سوى فلآن ؛( ..[؟]

وفعلآ اثار دهشة الجميع بحركآته الجنونيه ..

اللي توضح للكل ان صآحبها ,, مهوب صآحي .. ومسكين هو مصدق إن

اللي يصفقون له ومتفاعلين معه يحبونه ويبون له الخير ..

بمعنى آخر عند الشبآب [ الشهره ] ..

خلآل تهريجه وعرضه اللي ادهش الجميع انقلبت الدراجه وصآحبها انتقل الى رحمة الله ..~

وانتهى العرض بوفآته .. وفعلآ كما كآن يريد أصبح حكآية النآس << بمعنى آخر عظه وعبره لهم ..~





ظآهره تداهم شبابنآا ,,



يحبون لفت الانتباه على حساب ارواحهم ..

يشوف غيره بس مايقتنع لين يصير هو بمكانهم

مايصدق ان الموت [ حقيقه ] وزي مامات اليوم غيرك بكره تموت انت !!

طيب هذولا اللي يصفقون لك ليش ماقاموا انفسهم يسوون مثلك .. ليه على الآقل مايحذرونك من الاماكن الخطره ,,

لو كآن فيهم الخير ماسمحوا لاي شخص يخآطر بنفسه وكآن مااسمحوا لانفسهم يروحون لاماكن زي كذا .... !!


شباب بالآلاف تموت .. في مقتبل العمر مستقبل ينتظرهم ..

عندهم أم تسهر لعيونهم ..~

طيب الوآحد لو مايفكر بنفسه يفكر بأهله .. وش ذنبهم !!

يفكر بربه وبالآيه الكريمه : ( ولا تعرضوا أنفسكم الى التهلكه ) ..


ما أنسى ولد عمي توفى قبل سنتين بحآدث قوي للحين الألم موجود على فرآقه ..

وأمه كرهت كل السيارات جتها عقده ,, توفى الله يرحمه وعمره 17 سنه ,, !

ماكآن من هالنوعيه الله يرحمه بس صآر ضحيه لهم ..!

المفروض ان الأهل مايعطون ولدهم سياره لين يطلع رخصة قياده ويكون معه شهادة سواقه ..

لان الواحد عسآه يضمن نفسه عشان يأمن غيره ..

ولا طرت عليهم قالوا المرور ,,

المرور يادوب يلحق ع نظآم السير والاشارات ونقط التفتيش عشآن يتفرغ يطآرد خلق الله

ماقصروا جزاهم الله خير ..~ يحاولون تفادي الحوادث بكل الطرق ,,

بس اليد الوحده ماتصفق لابد من تعاون السائق مع المرور ..

لان المرور بالذآت وظيفتهم جداً صعبه ..


واللوم بعد الحوآدث راجع للشخص نفسه لان دولتنا ماقصروا وظلمهم مآيصح ..

//


نقآشي :

وش سر غريزة حب [ لفت الانتبآه ] عند الشبآب ..!

الشباب اعمارهم 15-16 سنه ماسكين سيارآت .. مع * ضد .. !!

كلمه توجهها ..

الموضوع الأصلي: ودفنه من كان يصفق له ~ || الكاتب: حكايه || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات