منتديات كلك غلا - عرض مشاركة واحدة

02-07-2014, 07:04 PM

إيـتـوق قلـبـي للمظـاهـيـر ويـتــوقإلّــخــوة رجــــالٍ كــــرامٍ نــمـــاره
ومن غالي اوقاتي على ظرفي آسوقفـي منهـج الـلـي معرفتـهـم تـجـاره
ورخِا إلى ناض اشقر الريـش لسبـوقيبـغـي الـهـدد لـلـي تمـايـل طـيـاره
إيبوق في قصـر المسافـه معـه بـوقبــوقٍ عـجـل ينبـيـك قــوّ الـجـسـاره
لحّـاق للـي يحـوق جـو السمـا حـوقفـي عيـن منهـو سـابـرٍ لــه شــراره
فيلا لحق يدوي على الخرب من فـوقوينـزل شلـو مـن قــوّ زود إنـحـداره
ذا طــبّ راعـيّـه ولـلـشـارده عـــوقوهـذي طـراة الطيـر ياهـل الصقـاره
ولا يعيـض الطيـر الـلا هـوى الـنـوقحمـر النعـم تـسـوى خـتـوم الأمــاره
أقولهـا وانــا مــن الضـيـق مخـنـوقأقـولـهـا وونـــس بـكـبـدي مـــراره
لـن المشاكـي عيـب حالـه ومنـطـوقتِنـقـص مــن الـرجـال هيـبـة وقــاره
ولا اطيـع السـوق لـو عانـد الـسـوقادري النتيـجـه لــو بـطـاوع خـسـاره
مابغي رفيقـي للحـزن مثلـي ايـذوقولا الـعـدو يعـطـي علـيـهـا بـشــاره
مـن شـي لا ضايـع ولاهـوب موثـوقيـاكـل بحـالـي مـثـل اكــل الـزقـاره
ورجـواي باللـي خالـقٍ كــل مخـلـوقيـفــرج لـصــدرٍ ضـايــقٍ بـــه زراره