الحنيفيات بالعسل مقرمشين ! مطبخ رمضان
المقادير
كيلو دقيق الفورص
ملح
بيضة
كيسين من خمارات الحلوى
غ 250 الزبدة دايبة و باردة
زهر للعجن
نشا او مازينا للتوراق
طريقة تحضيرشهيوات رمضان 2013 : الحنيفيات بالعسل مقرمشين و لذاذ بالصور
اولا كتبسسوا الدقيق بالزبدة و تضيفوا باقي المقادير
و لازم تحصلوا على عجينة قاصحة
عجنوها مزيان
و تشكلوا منها عصيات و تخليوها ترتاح انا خليتها نصف ساعة
طلقوها بالمدلك شوية مع رشة مايزينا
و دوزوها فماكينة السباكيتي رقم 4 ثم رقم 7 ثم رقم 9
لازم تكون رقييييييقة
رشوها مزيان بالمايزينا و لويوها
كملوا العمل لكل العجينة و متنساوش تغطيوها ببلاستيكة باش متنشفشي معاكم من بعد قطعوا العجين مائل فحال الا غتعملوا الفقاس
و كل قطعة عاود رققوها بالمدلك
كملوا كل اعجين مع مراعاة دائما انكم تغطيوه
و قليوه فزيت سخونة لكن الحرارة قليلة و هادا السر باش تطيب معاكم كل الوريقات و تقرررمش
و على فكرة هاد الحلوى موجودة عندنا و كتعرف باسم الرغيفة الجديدة
سبق و عملاتها واحد الضيفة جابتها شميشة و لكن بشكل دائري
شوفوا ما احلاها مقرمشة لاخر لفة و شاربة العسل
hgpkdtdhj fhgusg lrvladk ! l'fo vlqhk lrvladk hgpkdtdhj fhgusg
اللهم صل وسلم على نبينا محمد ﷺ
|