جذبني , يالغلا , قدرك

جذبني يالغلا قدرك

حلاة الشوق لارفرف يعــانق بك شذى عطرك
ويسبح في بحر عينك يجاذبك الهوى أشجان

حبيبتي يابعد عيني خذي احسـاسي على صدرك
وضمّــيه حيل بيدينك علـى لامــاك أنا ظميـــان

رجيتــك في دروب الحب حبيبتي لاعني هجـرك
تعـالى لعشقي المجنـون وخذيني لعـالم النسيان

ابي أنسى معك عمري واعيش الحب في عمرك

فديتك لا تخليني تراي العـاشق الولهان

أنا لاقلت وين الشعر تلفت ينتشي عطرك
أنا للشعر وحروفك دخلت بحالة الإدمان


يمين الله ماسجيت انا دايم على خبرك
أداوي بالشعر قلب ٍ يذوبني من التحنان

ياعيني لاشعرت اني اقاسم بالغلا عمرك
اتوه من الوله وانسى جروح ماشفت للأن

هلابك يارشيق القد هلا في سرك وجهرك
هلا باللي على خبري أصيل وقصته عـنوان

هلابك ياوزين الروح هلا في أمسك وفجرك
على دربك مشيت الحب حكـاية عشتها ألوان

تصدقين وين ماسجيت جذبني يالغلا قدرك
تضيق وتنفرج عندك أسير ويعشق السجان

الموضوع الأصلي: جذبني يالغلا قدرك || الكاتب: تعلمت ارسم الفرحه || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات