منتديات كلك غلا - عرض مشاركة واحدة

12-20-2012, 05:53 PM

مساء الخير

اول يوم بالجامعه جد كان يوم متعب مررره
رحت للجامعه ع لحم بطني لا فطور ولا شي
والنفسيه زفففت والاخلاق خرباااانه

بس الحمد لله حليت زين مع انه بووه كمن سؤال جبت العيد فيها الله يستر بس

ايه انا وخيتوو طاقينها كشخه من فوق لتحت تسذا وزي بعض يعني تؤام وحركات
لازم كل شي زي بعض المهم طالعين خقق

واحلى شي اننا بنفس القاعه وربي جد استانسنا بس لو كنا بجنب بعض بيكون ازين
عشان نقدر نغش ههههههههههه

جت الاوراق وحلينا وجت المراقبه اللي تدقق ع البيانات وتسذا مرت ع اختي قبلي همن جتني بعد كمن بنت يوم جت لعندي قالت انا شفت بيانات صح
قلت لا ماشفتيها قالت الا شفتها قلت ي بنت الحلال والله ماشفتيها قالت انتي لك اختي فيذا
قلت ايه لفي وراتس شوفيها هع يوم لفت شافتها واختي هاجتن خشيشته تضحك
وانا ودي اصفق ذي الحرمه كمن طراق عشان ماتكذبن نوبتن ثانيه

المهم جت اوراق التوقيع واخذو اوراقنا وتسذا اختي عشانها قريبه من الباب
طلعت قلبي وانا بعدها بكثير طلعت يوم جيت اوقع وتجي المشرفه علينا قالت انتي وش رجعك ي بنت قلت اصلا ماطلعت عشان ارجع بوم بنات يتبوسمن عساهن للحبن بس سكت وقلت لا ذيك اختي وطلعت ع خير

مير القى وخيتي تنتظرن عند الباب هع لانها لو بتروح وتخليني بضيعها وبضيع امي وكل الثنتين مقدر ادق عليهن عشان ماعندي رصيد

ونقعد انا وياها نفرفر بهالجامعه يوم زهقنا رحنا عند مامتي لقيته ي بعد تسبدي شاريتن لنا سندويكاات = سندويشات
بس مهناش نفس ابد
واقول لاختي تعالي بشتري سنيكر اي شقليطا بس مب رايحتن لحالي وتجي معي يوم وصلنا
واخذت حاجتي سالت الفلبينيه كم الحساب
قالت بالانجليزي انتم توام قلت يس يس هع وتروح تنادي الفلبينيه رقم 2 قالت كم هير مدري وشو هع
جت الثانيه تقول وش فيه هذا كله بالانقليزي ههههههههههههههههه
المهم قالت تونز تونز قالت ذيك اومااي قااد بيتووفل قلت اووماااي قاااد ثاانكس
واخذ عفشي ونطس انا واختي واشوف بالطريق صقيقتي ايام المتوسطه

قصمن غبار عجزت والله بس سلمنا ودقيناها سوالف وهذره
ورجعنا لبيتنا سالمين غانمين

وسسلامتكم