منتديات كلك غلا - عرض مشاركة واحدة

11-27-2012, 03:54 AM

سلاااامووو عليكم
اخباركم ادري بخير هع

امممم اليوم يوم خاص فيني لحالي يعني نجود مب معي

اليوم شسمه رحت مع مامتي للمدرسه عندها درس نموذجي وخلايق الدنيا بتحضر وانا اللي مسويه العرض
ف ماتبي امي تخلي وحده من الطالبات تقولب بالعرض عشان مايخرب وتسذا يعني تبي مرتب ولاهي اول مره اروح معها
كل شوي رازتن خشتي معها هع يعني يوم بالسنه

المهم اللي صار اني من الخبه والعجله السواق عند الباب يطنب له ساعه وانا الله يكرمكم فتحت دولاب الجزم
وسحبت لي جزمه ع الطاير فلات كعب هو حق العيد لبسته مرة وحده بس ليه لانه ضيييق مررره وربي اصابعي تتفغص من الضيق
مدري شلون قسته بالمحل وطلع زين المهم مالكم بالطويله رحنا ودينا نجود عن جدتي وسرينا للمدرسه
هنا بدت نبضات قلبي ترقص سامري تسذا يعني خووف مع شعور خايس هع هع
وصلنا ووانا معي عده وش كثر لابي وشنطتي وشنطه البروجكتر وملف امي مدري وش اشيل ومع هالجزمه الضيقه صايرتن تقل بطريق بمشيتي

اول مادخلنا نص الساحه مدري الا كل بنت تلف ع صديقته وتسال هذي بنت فلانه والثانيه تقول لا ذي مدرسه جديده>>كبرنن حسبي الله ع ابليسهن

عدينا الساحات وزحمه الطالبات ورقينا لغرفه المعلمات وانا قلبي يرقع وامي عند الباب تقول ادخلي وانا اعيي مدري وش هالروعه اللي طقتني
اخيرا اقتنعت ودخلت اول مافتحت الباب 16 معلمه حسبتهم بالضبط وانا احس قلبي بيهبد بالارض مدري اسلم علي من واترك من والله وادخل اسحب عليهن لمكتب مامتي
وافصخ عباتي واتزكرت وارش من هالعطر اللي اشرقت الناش من كثر مابخيت منه هههههههههههههه يوم خلصت مدهره بعمري بديت بالترتيب اسلم

واللي تقول ماشاء الله واللي تقول اسم الله عليها واللي تقول تجنن اما اللي قهرتني يوم قالت لي صارت عروس خبري فيها من ايام كانت بالتمهيدي هع لفيت عليها قلت للحين تذكرين هي طارت عيونه هههههههههههههههههههههههه والا الثانيه قالت بنتس ناحفه عن العام يامال الصمرقع وش دخلتس فطنتي امي علي وخربتي ابو الرجيم اللي مسويته

اممممم خلصت سلام وتمطخ بالحريمات واروح استريح اقعد مدري الا 5 معلمات فزن من مكانهن وجايات لي وانا قلبي يرجف مع خطوات رجلينهن اللي تصب قهوه والا معها حلى واللي شاهي واللي جايه تسوي تحقيق عن حياتي
الدراسيه مدري وش تبي هع

المهم مر الوقت وخلصنا العرض وست طعش الف معلمه حضروا لامي وانا السبع طعش الف هههههههههههه>>برااااا

بس اللي مدري وش يحسوون فيه بعد ماخلصنا العرض قامت المديرة تشكر مامتي والطالبات وقامت تمدح ذاك المدح فيني تقول كل سنه لازم تجي تورينا ابداعاتها والله من الابداعات اللي بالدف اسويها هههههههههههههه
بعدها قامو يصفقون وانا بس اصفق واتلفت مدري وش السالفه اصلا مفهيه اقوى شي شوي امي عطتني ذيك النظرة اللي فهمت معناها يعني قومي سلمي على مشرفات التوجيه والمديرة والشله اللي معهم ياخزيتااه
انا باخر الفصل وش يقومني اضرب مشوار لهم عشان اسلم انا رديت لامي النظرة يعني ان فيني عله مقدر اقوم وهي الجزمه ابوو من لبسها والله استحي امشي وانا اعرج الحمد لله ههههههههههههه لا وعلى صوت الكعب احلى ميوزك ههههههههههههههه

خفت امي تعصب وقمت ادفدف بالطاولات عشان اوصل للضفه الثانيه لاجل اسلم على الوفد الملكي صرت امشي علي اطراف اصابعي عشان مايبين شي يمه اول ماوصلت للمديره سلمت عليها خد مدري الا حضنتني الله يرجها بغيت اخقق
الباقي شافو المديره تحضن فيني سوو زيها طاح برستيجي عند البنات بس خمخمه بهالموجهات لا اعرفهن ولا يعرفنن

ههههههههههههههههههههههههههههههههههه بس شعور حلوووو >> ع تبن بس

اممممممم وبث هذا يومي بس قصمن اشتقت لنجوود الخبله ما ادري شلون راح نص يومي وهي مب معي