منتديات كلك غلا - عرض مشاركة واحدة

11-15-2012, 02:43 AM

سلااااام سلاااامااات

اليوم الاربعاء صرااااحه احسن يوم عندي مب مصدقه والله
اممممم صار لنا اسبوعين ماطلعنا للمخيمنا واشتقت له كثييير
المهم عشان اليوم الاربعاء اكثر جيراننا ماودو عوالهم للمدارس
والظهر نسمعهم يجهزون عدتهم واصوات سيراتهم وتسذا حوستهم يعني
وانا عيوني تبسي ابي اروح معهم الكل بالدوام مابوه الا انا وجوجو بالبيت
وكل وحده منا تدعي اننا نروح يوم الخميس وتسذا انا واصبرت قلت بدق على امي
وهي بالدوام اكلمها بموضوع البر ادق ادق ما ادري وش صار بشريحتي لايمكن استقبال
المكالمات الصاردة لانها محجوبه او بالمعنى هذا
طار عقلي مدري وش صار
شوي الا ابوي دق علي ابي ارج عليه يسوى رفص للمكالمه لانها بالحجب
ياربي مدري شسوي
ابي ادق على ابوي مب راضي ويرفض وادق على اخوي نفس السالفه وامي بعد زي السالفه
انا خفت اني مسويه شس بالجوال مدري عنه واطلع الشريحه بجوال اختي وجوال عندنا مدري وشو
ماتغير شي ولا نفع
المهم وادق على خدمات موبايلي وماردو التسلاااااااااااااااااب قلت يمكن صلاة
انتظرت شويات ودقيت عليهم ماردوو
انثبرت مالي شي اسويه وامي مقفله النت ومالي خلق تلفزيونات
ادقها سوالف انا وخيتي لين صار العصر امي ماتجي الا اربع لان دوامهم هالترم مسائي
الزبده اني ماعرفت انام ولا اقوم بي احوس وافرفر بالبيت
وقرب ياذن المغرب والحارة مافيها احد الناس رايحين للبران وكاشتين وماعندنا احد نكلمه
ولا شي
يوم صار شويات وانا واختي مختبين مانعرف نتصرف الا امي دقت مدري ودري وش ضغطت وسمعت صوت امي
واصرخ انادي اختي الجوال صلح
قالت امي انا عند الباب جيت ونروح نرتص عند الباب والدينا ظلام يامامتي المغرب وامي توه ترجع
وتقول اني كنت بالمستشفى اجيب الاجازة قلت من اللي جابك على بالي السواق
ماددريت انه اخوي نزلها وراح للمخيم مع اخوياه
انا من عيون امي احس فيه شي اذا كان زين احسها تتبوسم طول الوقت
قلت يمااه فيه شي ليه تضحكين هي قالت خشتي تسذا وش اسوي واجي اخذ جوالها قالت وش تبين
قلت بدق على اخوي بشوف وش كنتو تسولفون فيه واخوي ادري يقول لنا كل شي اذا هو يفرح
واذا يحزن بطلاع الروح مايتكلم
المهم
مادقيت لانه اخذت الجوال نيهااااااااااااااي عشان ما اعرف الحقيقه
قالت ذاكرتو اليوم شي قلت لا مب انتي اخذتي النت وما اقدر ادخل لمنتدى الجامعه عشان اذاكر
لاني انا واختي هوووع متفقين مانسحب شي من العماده ونحفظها على الجهاز ليه عشان امي ماتاخذ النت
وتضطر تخليه عندنا عشان الجامعه >> تفكير ابن تسلب هوووووع
اللي صار قلت ماذاكرنا قالت خوذو النت قلت يمااه وينه حست البيت وانتي بالدوام مالقيته قعدت تضحك
قلت وينه قالت جيبي السلم انا جا على بالي انه فوق دولاب غرفتها قالت ايه فوق الدولاب ويارب يكون منكسر
انا قعدت اصيح قسم اصيح مب عشان النت عشان امي مشت على كلام وحده الله يصلحها اذا اجتمعنا مع ناس وشي تسذا
كل وحده تقول شلون تعاقب عياله وحده اذكر قبل كمن يوم كانت تسولف مع امي وانا وجهي على بنات خالاتي
بس اذني عند امي
واسمع هالحرمه تقول اني اذا عصبت امصع المودم واشوته فوق الدولاب وامي اول مره تسويها معنا وقهرتني هالحركه
خلونا من هالكلام
رقيت واخذته من الدولاب هع تعرفون حركات البزران لازم تطلع فيني هههه
اقول لكم شلون
يوم رقيت نزلته عجبني الوضع على السلم قالت خيتي قلدي السديس واخطب زيه هع بس يشبه له
قالت قلدي لي فلان وعلان وانا اقلد كاني على مسرح او منبر هههههههههههههه
شوي واجي اغني اغنيه دايم اسمعها بس وربي اذا بغيت اذكرها انسى حتى اسمها ما اعرفها حافظه كمن بيت من الوسط
جت امي تقول بدينا بالهبال ترا باخذ النت واجي بذيك النطه اللي سوت زلزال بركبي ياويلي بغيت انكسر
واجي اتربع عند مامتي واحمل بهالمواد وانا واختي مانبي كلمه مفاجاءة او سبرايز ابد ما احب اسمعها لاني
ابي اعرف وشي ما اصبر
شوي قالت امي اذا خلصتي كمن محاضرة بقول لكم سبرايز واجي الف على اختي ونضحك مع بعض
لاننا عرفنا انه مخيم ونلف على امي قلنا بوقت واحد لاتقولين مخيم
قالت لا وهي تضحك ههههههههههههههههه حسينا شسمه بتسذا شعور بالخيبه وتسذا
قلنا وشو عيت تتكلم وهي تضحك امي عارفتن اننا بنستانس ولو عرفنا قبل مانذاكر ماراحح نذاكر
لاننا ببنط لدولايب ونجهز كل شي للروحه
المهم نحاول فيها عيت تتكلم وتقول شي يوم
راحت امي تصلي وانا قاعده على الاب احووس بالمواد مدري الا جوال امي يرن اناظر لقيته خالتي
وارد قالت سلام وسلمنا بعد الاخبار وتسذا قالت ايه ترا عليكم انتم البهارات وخالتي امي يوسف الدجاج
وخالتي الثانيه عليه ذا والثالثه عليه ذا قلت لها وش السالفه وين بتروحون قالت هو انتم مب رايحين
قلت نروح وين امي ماقالت لنا شي وتجي خالتي تضحك قالت اختس وينه قلت تذاكر مدري الا تضحك زود
وانا عيوني تقل مصاقيل مدري وش السالفه قالت شكلي خربت السالفه انا هنا توني استوعب قلت اجل لمخيمنا
قالت لا امتس تقول لتس
انا بغيت انفقع عليها واهاوش بس الاحترام ابن كلب ماخلاني
حلفته قلت قولي قالت وين تبين نروح غير المخيم قلت الزويليات وذي منطقه بران تخققق بالرياض مدري بالخرج
بس بالرياض هذا اللي اعرفه
قالت يب يب هي واجي اصرخخخخخخخخخخخخ وانادي نجووووووووووووووووود تعالي واقول لخالتي امواااااح باي
دقايق وادق هع من الحماس سكرت الخط
جت اختي طايره تحسبني زلقت والا متت والا انشليت هههههههههههههه قالت وش فيك
قلت الى الامام سر للغرفه بسرعه وجيبي تسذا وتسذا واهم شي اللي بالثلاجه لاتنسين نضفه والاونو ودبات
المويه الفاضيه هع لاننا نجمعهن باي روحهناخذهن عشانهن طيراننا خخخخخخخخخخخخخخخخخخخخخخخخخخخخخ
قالت وين على الله قلت للزويليات وتطير فرحانه زيي
ونروح نضفضف القش والحوسه وخرابيط مال ام امه دااعي بس زياده ولا نقصان هذا قانوني ^.^
وبس توقعنا شي وجانا شي ازين منه
ومن دعواتنا الحمد لله

ايه صح نسيت مامتي يوم درت اننا درينا راحت دقت ع خالتي قالت الله يهديتس وراح خربتي السووبرايز
وش بيخلي البنات يذاكر والله بيدقنه سهره للصبح هع عارفتن لنا ^^

شسمه ادري هذرت وايد بس مدونتي وكيفي هع هع
يله برووووب بروح اخم باقي الاغراض واشحن الكام والاب وباقي الشله هع