هات شارع . .
مابي أبتر خطاوي العابرين بصوت وقف ! المكان أشلاء صبح
وصابريّن و شيء من ( كدح ) الحلِوق الناشفه :



هات شارع . .
في يميني كتف [ شايب ] . .
وفي يساري حتف غايب ما حضر !



هات شارع . .
ودي أفرش في عيوني درب [ قمرا ] للسهارى الهايمين !



هات شارع . .
خايف الكبريّت يطمع بالجفاف ، أدنى ( اهه ) تشعله وانت خابر . .
كيف جدران الحنايا من سعف يابس تحوطها المنايا ، لو بكيت . .



هات شارع . .
, واغتنم فرصة بكا هذا الرصيف وصاحبه . .



هات شارع . .
والمدى كذاب وعيونيّ صدى لو وصلت ولو وصلت ولو وصلت ، ما تحرك
من مكاني أي ذرة جسّد . . !