منتديات كلك غلا - عرض مشاركة واحدة

10-16-2012, 11:09 AM

جا ع بالي وتذكرت موقف صار لي وانا اتعشى
المهم كنا نتعشى انا وامي واختي في امان الله مدري وش جاب طاري العرس
قعدت تقول امي اذا اعرستن تقصدن انا واختي راح اجيب لكن من ذولاك الجداويين
مدري اللي من الحجاز اللي يسوون مجسات ما ادري وش ينقال لهم بس اصواتهم ماتعجبني

المهم وانا متفاعله بالموضوع الا قلت لامي والطقطقه وينهي قالت مابوه طق
الموسيقى حرام وانا اصرخ باعلى صوت جت على عرسي يصير حرام:83:ههههههه
والله فشيله امي فيها ضحكه بس ماطلعته زين هههههههههه المهم كملنا عشى
والحوار مازال مستمر
المهم وصلنا قلت شوفي انا ما ابي عرسي يصر عادي انا ابيه زي بنت عمتي 4 مطربات ومطريبن
وابيه بفندق صلاح الدين عندنا بالرياض >>انا جهزت كل شي والمعرس ماجا خخخخخخخخ
شوي وقالت امي معصي يصير فيه طق وتنكس وان ربي خسف فينا >>والله رعب وش جاب طاري الخسف

والمهم قربنا ننهي الموضوع
جت اختي وقالت لامي يماه بعرسس وش سويتي خخخخخ
امي فلته والله قالت ابد سويت تسذا وتسذا وكل شي انا اللي اخترته الكوشه والزفه والعشى
والطقاقات يوم قالت الطقاقات واجي انا افز من قوة الحماس قلت ي ميمتي شوفي
هو يوم واحد يالعمر يعني انا بعرس مرتن وحده مب ثنتين بحط اغاني وطرب وان رجعنا للبيت استغفرنا ويقال اني بنهي الموضوع خلاص قلت يمه وراتس تسذا تراه عرسي مب عرسس

وتجي امي تفقع ضحك واختي ماتت مع امي والله ربع ساعه يضحكون وانا بكل تفاعل
وماخذه الامر بجديه هههههههههههههه

شوي شفتهم ماسكين خط بالضحك حسيتني قايلتن شي ماينقال خخخخخخخ
المهم والله واقوم من السفرة واخليهم مع ضحكهم وعشاهم >>بعد ماشبعت قامت هههههههههههه

وبس واللحين من الفشيله كل ماشافتن امي قالت اجل عرسس مب عرسي
ليتني ماقلتها والله امسكوها علي