منتديات كلك غلا - عرض مشاركة واحدة

09-30-2012, 05:52 PM

يسلمو ع الطرح الرائع
شسمه ذا >> ارتبكت
ايه لقيتها : انا الحين بكتب لكم شي من يومياتي
قبل اليوم الوطني بيومين كنا رايحين الشاليه وبنمرح فيه يومين
المهم هناك فله ووناسه ومطافش بالمسبح طبعا مو حنا اللي نطافش
ذولا العوااال من نذالتهم اول ماوصلنا الساعه 11 الصبح وواول مانزلنا للشاليه
نصهم دخل غرفه والنص الثاني دخل الغرفه الثانيه حنا البنات يعني مابقى لنا غير الصاله
العيال هواش ع الحمام عشان يبدلون ويطبوون بالمسبح اول ماطبوا والله وندخل حنا البنات
في الغرفه الثانيه وناخذ كشهم ونحطه في غرفه وحده والغرف الثانيه صارت لنا حنا البنات
المهم من الصبح لين الساعه 5 العصر واهم يسبحون وحنا لا كل شوي ناطين عندهم ونقول اطلعو
طبعنا حنا البنات كبار واهم بعد كبار بس نتغطى عنهم ونفلها سوالف عاادي هههههههه
حنا ملينا منجد نبي نسبح وكل شوي نحاول فيهم مااش ماطاعو يطلعون لزقه اعوذ بالله هههههه
عاد نقترح فكره خوطنطريه قمنا فتحنا مكيفات الشاليه كلها وكلها سبيلت يعني ابوووك يالجمده
المهم قمنا طرفنا الباب اللي ع الحووش شلون يعني ماسكرناه مره لا خليناه مطرف بتقولون ليه
انا اقول لكم لان الهواء ماله مكان يطلع منها غير باب الحوش الدرايش مسكرينها كله عشان الهواء يتجمع
ويطلع مع المكان اللي حددنا مرة ربع ساعه العيال قامو يصارخون برد وبرد ومدري وشو وكله من خطتنا لان المسبح قدام الباب ع طول
يوم قلنا كذا الا قامو يتناقزون واحد ورى الثاني يطلعون المهم قلنا لامهاتنا بنطب حنا عيو علينا انهبلنا ليه طيب المهم انهم عيو
عاد اتفقنا مع العيال انهم يطلعوننا معهم للمنتزه نلعب ونستهبل همن نرجع شوي اذن العشا ورحنا حنا نصلي
من غبانا دخلنا كلنا البنات نصلي مع بعض المهم العيال يحطون رجلينهم ويطلعون ويخلوننا يوم قضينا صلاة
اثر الحريم ميتات ضحك علينا يقولون طلعو وخلوكم عاد حنا جلسنا نصيح هذي سواتكن يالعجز وطلعنا خلقنا عليهن والله اهن ماسكات خط بالضحك
جلسنا شوي نسولف مع البنات بس قسم طفشنا كاننا طالعين من بيت وداخلين الثاني قلت للبنات شوفني بنام بدري ومحنا متعشين
عشان يرتاحون العجز هن وعيالهن >> يقال لنا بناثر فيهم
المهم قلت بنام عشان نقوم بدري نصرلي الفجر ونفطر ونططب ع طوول ههههههههههههه
عاد سويناها ونمنا يوم صار الصبح واقوم وانط ع كل بنت اصحيها شوي شوي
وقمنا ومحد حس فينا العيال بغرفتهم نايمين وحنا بغرفتنا والامهات بالصاله >> احس اننا كركبه بس منجد ونااااااسه
المهم يوم صلينا وخلصنا والله تروح كل وحده لامه وتقومه للصلاة وركض جماعي ع المسبح وهووووب وقفلنا باب الحوش عشام محد يطلع من الشباب علينا
اذا بغو يركبون سياراتهم يطلعون من الباب الثاني اللي ع المنتزه وياخذونها مشوره لين يطلعون ازين يستاهلون
المهم من الصبح الى العصر وحنا مطافش استغفر الله لا بغينا نصلي تطلع الوحده من المويه باللبس اللي عليها وتدخل تحت الدش بس عشان يروح الكلور والمطهرات
بعدين تتوضى وتطلع تصلي برى بشراشف مخلينها احتياط
المهم ان الجو برد والله يوم طلعنا اللي بخاطرنا طلعنا همن رحنا تغدينا بس ماش فينا حره قمنا وطبينا مره ثانيه ههههههههههههههههههههههههههه
والحريم يقولون برد وكلام كثير والله حنا مطنشين ومسكناها من العصر لين اذن العشا يوم اذن ونطلع نصلي ونشف كششنا
ونلبس عباياتنا ونطلع للمنتزه المشكله كنا بالغرفه وطلعنا دفعه وحده ولابسين عباياتنا ههههههه الحريم انهبلو يقولون هوو بناتنا شفيهم
كل وحده قالت لامه خليه ينفعك امس اقول بسبح وانتي معيه علي هههههههههههههه >> ياعمري حنا
المهم كل وحده معها قريشاتها وتسذا يوم طلعنا ونلاقي محلات اكسسوارات >> عش الفتيات طبعا
المهم كان هذا اليوم اللي قبل اليوم الوطني يعني بكرى اليوم الوطني المهم وحنا نمشي لقينا محل يبيع اعلام واساور وحركتات
والله وندخل وشتري اعلام ونربطها بشناطنا ونلبس اساور وخلاص طلعنا مسكتين المهم ندخل عند حقين الاكسسواراة
في حياتي كلها ماقد كلمت راعي محل امي كله اهي تكلم وتكاسر عاد انا اكتسبت خبره منها
عجبوني فوينكات وااااي يهبلون المهم قلت الوحده بكم قال بـ 5 قلت في عينك ههههههه مدري شلون طلعت مير اشوى انه هندي مايدري
قلت اسمع انت باخذ كم وحده بس ابيك تنزل بالسعر قال انتي كم يبقى قلت هوو اصبر علي خلني اختار ههههههههه >> ماعندي تفاهم
المهم اخذت 5 حبات ملونات يعني بيكون السعر اممم 25 المهم قلت 25 اخذف فيها ماركه مير احمد ربك ان احد التفت للي عندك >> والله اهايط
المهم قلت باخذها 15 قال مدري وش وكذا وكذا قلت اي كلمه ثانيه بذب اللي معي وباخذ الحريم وبطلع بعدين انت الخسران مو انا قال خلاص ماما يوم قال ماما
التفت ع بنت خالتي قلتي شهوود اخيرا صرت امي لواحد هندي اهي كملتها قالت متزوجه شاروخا ههههههههههههههههههههههههه
المهم والله اخذ منه شر غير الاول وانزل بالسعر يعني تقريبا اخذ بنص الشعر بالضبط المهم للقيت 2 من خالاتي بياخذون اكسسوار بس الواحد بـ30 بس كانو مترددات
المهم اخذهن من ادينهم والتفت ع الهندي قلت هذولا كم قال 60 قلت هو هو هو انت حرام فيك 50 ريال ههههههههههه قلت خفض وكذا انا زبونه >> من متى هههههههه
المهم نزلت من كل وحده عثره ريال هذا اللي طلع معي يوم جيت خلاص بطلع لقيت خواتم دبل يعني اهو مره خفيف وشكله نايس قلت هذا كم قال 2 خمسه
قلت اجل باخذ واحد هديه واخذه واحطه بالكيس قال مو مشكله بكرى يوم وطني قلت غصبن عنك خخخخخ بس بصوت واطي طبعا المهم بنت خالتي قالت الي مثلك
قال لها روحي اسئله قولي 2 بكم بعدين قولي باخذ واحد هديه هههههههه راحت سوت نفس حركتي قال هذي حرمه واك اخذت المحل كله وانا فيه خساره لا مافيه هدايا
يمو جينا نطلع من المحل لقينا الشباب قدامنا الله وكل واحد يمسك اخته وبيتمشى فيها حنا عينا قلنا حنا بجهه وانتم بجهه
والا يوم شفتونا كاشخين بتترززون فينا ههههههههههه يالله مناك قامو يقولون بنحجز لكم القطار يدور فيكم المنتزه قلنا لا والله حنا ان ركبنا هذيك السفينها
اللي تومي مره يمين ومره يسارة قالو لا امس الهئيه جايه وهاوشت الحريم قلنا خلاص طسو وحنا لاقضينا بنروح المطعم نتعشى فيه ونلعب ونرجع
يوم خلصنا فرفره وخلنا ع اهلا كل وحده اضربت بيدها ع قلبها يقولون نعنبو بليسكن وش انتن شاريات قالو الله يخلي نجود بذي اللحضه تغبيت ورى بنت خالتي
امي وقفت قالت شفيها وش مسويه قالو في كل محل تكاسر الرجال بالاخير تكسر راسه هههههههههههه وربي جت امي تهاوش تقول من متى وانتي تحتسين رياجيل
انتي اذا رحتي معي للسوق صاكتن اثممتس وش اللي خلاتس تهرجين قلت يمااااااه الحين بدال ماتقولين الحمد لله وحده طلعت علي تعرف تكاسر تقومين تهاوشين

خالاتي انفجرو ضحك اهي جلست تضحك معهم عاد وانا انبسط قلت ايه كذا بلا هواش يوم جيت امشي وتسحبني امي مع شعري ههههههههه قالت وش انتي شاريه
قلت ايه ذكرتين جايبتن لتس هديه هوووووع وعطيتها اياها واستانست الحمد لله
ههههههههههههههه

ادري اني كاتبه معروض بس هذي سوالفي هوووع