منتديات كلك غلا - عرض مشاركة واحدة - كٌل شيْ آٌجِيدْ الإكْتِفآ آ ء مِنهٌ سُوىً تأْمٌلي بِكَـ ..}

02-09-2012, 08:08 AM

طاوعك قلبك تغيب وتهجر احبابك تنسى غلاهم وتتركهم وتنساهم
حرام تترك خفوقي يشكي غيابك وانت بقلبي اعز الناس واغلاهم

ناديت والشوق لا شدك ولا يابك يا سيدي يا عديل الروح يافاهم
وانت بوجه اشتياقي تغلق ابوابك وانا اقرب الناس من قلبك واوفاهم

نسيت حتى تقول وشفيك وش صابك يوم الالم عذب عروقي واشقاهم
بديت ناس على ناسك واصحابك ما اتعبت نفسك تدورهم وتلقاهم

نامت عيونك ونام الليل باهدابك ولي شكو غيبتك ذا النوم ما ياهم
زادو على جرحهم كم جرح باسبابك وان اقبل الليل صوت الجرح صحاهم

ارسل عتاب قلبي واحسب حسابك وابياتي البيض دايم باسمك ابداهم
يجبرني الشوق يجبرني علا عتابك واتمنى تقرا ودادك قبل تقراهم

دمت لخفوق اذا قابلك هلابك يا اطيب الناس في عيني واغلاهم
طاوعك قلبك تغيب وتهجر احبابك تنسى غلاهم وتتركهم وتنساهم