جيت السحاب و ما لقيت الحبايـب
شكل السما في غيبتـي أمطرَتهـم
علمي بهم يوم إنهم لـي قرايـب
وانا الثمر و ظلالهم و شْجرتهـم
و اليوم مدري .. هي خذتهم هبايب
و إلا السنين اللي طوتني ..طوتهم
وجدي عليهم وجد من طاح شايب
ينخي عْيال ٍ مـا تفيـد انخوتْهـم
وَّجدي عليهم وجد من كان غايـب
عوَّد و عينه من بغت مـا لقتهـم
أحبهـم حـب البـدو للركـايـب
اللي إذا شـان الزمـان انقلتهـم
و احبهم حب أعظمـي للصعايـب
و احبهم حب الصخا لـَ اذْرعتهـم
و احبهم حـب الوسـم للسحايـب
و احبهم حب الـْ هـلا للسنتهـم
غابوا وخلّـوا بالحنايـا مصايـب
تبكي معي واليا شهقت .. اشهقتهم
للعذب ..ناصر الدهمشي