ضمني بحضنك ولمني كسر عظامي
آبي ادفى دخيلك بردان خذنيلك
اقرب تعال أبيك تذوب بسهامي
ابي حنانك وأمان الروح تعطيلك
ابي تطرد الهوجاس وتنهي آلامي
ابي أتنفس هوى عشقك ياحبيلك
وابي انسى معك ماضي أيامي
وامسح بقايا جروحي بكف منديلك
وأحط يدي بياديك شوق وهيامي
يمكن اغفي وأنام الليل واحكيلك
ضروري أهاجر فيك وأجدد هيامي
وأوزن والحن لك إشعاري واغنيلك
ابي أعيش الفرح لحظه أوهامي
وابين لك إسرار قلبي واشكيلك
طول السفر صورتك تبتسم قدامي
ابي قربك وبعدك واحترت وش اسويلك
ابي اّصلك وشلون عجزت اقدامي
واتمنى دقيقة عيني تتأملك واراعيلك
تصدق طيفك يسير علي بأحلامي
واشيله وازمة والبسه تاج وادعيلك
ولي الشرف والفخر بحبك السامي
واكابر وارفع هامتي فوق واجيلك
عمري ماقد صمت بالغرام صيامي
إلا انت كل مشاعر الصدق تنويلك