تفضل ترى لك بالحشا مجلس ومدهال
عسى مجلسك عامر ومدهالك اتعوده
نزلت بخفوقي ياهلا فييك بالمنزال
ترحب ضلوعي والصدر ينثر وروده
وفاحت لك اطياب الهوى والعطر لك سال
بخوره يعانق فـِ♡ـيْ قدومك دهن عوده
تفضل وخذلك مٍـن صدوق الغلا فنجال
ولاني شحوحن فيه ابا اوفيه وازووده
كرامة لوجهن شفت فيه الحلا قتال
وصوف الحسن داخل نواحيه موجوده
احَ'ـبّك محبة صادقن ماعرف يحتال
لحبك يبي يبذل مـن القلب مجهوده
فداك الغلا واحلى قصايد على موال
تغرد بوصفك لاهزيله ومنقوده
مدامك تحب الشعر أنْــا ماني برجال
اذا ماشبعك بوح وخواطر لها جوده
أنْــا كلي احساس ومشاعر وروقة بال
واروق لكلامك واتنومس على زوده
تعودت وصلك جعل بعدك ماهوب الفال
ولالك على درب الهجر روحه وعوده
هنا منزلك بين الحنايا هو المنزال
نزلته وصارت كل الابواب مسدوده
الا غبت كنه يشتعل بي حميم اللال
واذا جيت تطري لي هبايب سما السوده
تفضل ترى لك بالحشا مجلس ومدهال
عسى مجلسك عامر ومدهالك اتعوده