حاجات ماهيب برغبات وشهوات
ندم على حزن على ماادري شسمه
اللي يكلمك وتكلمه بسكات
ياودي اصرخ من اللي داخلي حيل
وياودي ماتنبس من الليعه شفات
مزحوم تفكير ومشوش وبردان
وياخوفي من الغضب والانفعالات
تعارك الشر والخير فيني
يأثر على اتخاذي للقرارت
ثاقب والاحظ تفاصيل التفاصيل
كن البشر عري وعيوني مرايات
أفضال ربي علي واجد وأفضل
أفضال ربي علي الفقر وأنكارة الذات
يامجمل الفقر وأشياءه وروحه
تموت منه تعب وتعيشه ازمات
يعلمك ضعفك وبأن عقلك
هو اللي يميزك عن الحشرات
وتعرف بأن هذا لك وذا لغيرك
ولاتفكر ولاتكسر حسابات
الفقر مفيد وأشياءه مفيده
مليء قوه قناعه وغايات
يمكن لو أن إنك غني تطغى وتنسى
وتطيش وتطوف الخمس الصلوات
لذلك الحمدلله والثناء له
على الفقر والمصايب والمسرات
يمكن اني فقير بس مانبي تبعي
أجلس ولا أنقاد خلف الاتجاهات
وان مااعجبتني قناعات الزمن هذا
انا أألف لتفكيري قناعات
شاعر ويسكن فمخي ألف شاعر
ماهم بشعار هاالوقت التروفات
اللي يقولون مافي الشعر نادر
وان الشعراء نفس المستويات
لو انهم واحد وبتفكير واحد
كان ماشفت ناقد ولامعجب وشمات
الله على هاالكلام ومن يقوله
الله يقطع سياسة هاالمجلات
يعني اللي قصيده ملى الدنيا جماهير
مثل اللي يطلق قصده سرة ابيات
لامن سمعت القصيد قلت هذي
سمعتها قبل هذي عشر مرات
يشيل اخر كلام الشطر الاول
ويحطه باخر الثاني وخذ هات
قاف متكرر ولا فكره ولاشي
يبني القصيده على تفكير بنات
وبه نوع ساذج علشان يتميز
يصرخ ويعمل بيدينه حركات
والمرء عدو مايجهل لذلك
هاالشعراء يكرهوني انا بالذات
الله يخليني لشعري وأصونه
وأحرق به كبود شعار المسجات
أجذب به أذواق حكام الجزيره
وازرعه فعقول فتيان وفتيات
أركبه جن وأمارسه بجنون
وأشبعه فلسفات وإبتكارات
وأعلم الجيل هذا واللي بعده
جودة الاطاله وفن الاختصارات
ووشلون احرث صخر فكري وأخلي
بيني وبين اقرب منافس مسافات
الشعر في نظرة أغلبهم مصالح
فلوس وشيوخ وبنات ولقاءات
وفي نظرتي رورح وروح حرة
ماتخضع لشف واشخاص وقياسات
الشعر ماتقشعر له الابدان
ومايسرق من الكلمات الكلمات
تقراه فعيون شاعر وتحسه
يفتح له فجلد يدينك مسامات
ردد قصيدي ياجمهوري وصفق
وعلمهم ان الغلا مابه خيارات
وتعال نسرح سوى في شي عندي
واخاف لاابكي وتبكيني العبارات
حزين جداً ومتعوس وخايف
أحس كني على مهوى نهايات
حبيبتي اللي أغليها وابيها
راحت وقالت بجي وللحين ماجات
والصبر صبر القلوب البيض وادري
يامصعب الصبر لاقد به محاتات
دمرني الشوق واستنزفني شعور
وتعبت اثبت وجودي داخل اشتات
تمر كل الوجيه بدرب عيني
نفس الملامح ونفس الابتسامات
حبيبتي طاغيه وبشكل طاغي
صديقة الليل واجناب البنايات
من وين ماافتر لاهذا وجهها
على الطرقات وأضواء السيارات
يابري حالي عليها بري حالي
عليها يابري حالي عشر بريات
لأني أحبها فعلاً وجداً
ماهي محبة رفث ولا اتصالات
احس كني أخوها او أبوها
أدرى عليها من العالم مدارات
واللي سواتي يحب وخايف الله
يعرف معنى معانات المعانات
الحزن في بعض الاحيان أزدواجي
وجميل لاصار من تجنيب غلطات
من خلا حاجة لربي عاضه أخير
منها واحسن دبلات الدبلات
وانا مابي غيرها ولا التفت له
السيده لا رجعنا للسيدات
جعل امها اتوافق ان جيت اخطبها
تكفون دعواتكم يااهل الدعوات
ˆ° «°•.ღ ♥ღ ˆ° «°•.ღ ♥ღ ˆ° «°•.ღ ♥ღˆ° «°•.ღ ♥ღ ˆ° «°•.ღ ♥ღ
وريدي
ياللي غرامك جاريٍ في وريدي
لا .. وش غرامك جاريٍ في وريدي
استغفر الله لو بقول ان غرامك
ما باقي إلا يطبع اسمك على ايدي
لأنك بصدري و أنت منته بصدري
تطلع مع أنفاسي و ترجع يا سيدي
اليا طلعت أحس كني أشوفك
و آنقص أنفاسي ذكا .. يا ضديدي
أخاف لا تطلع و لا عاد ترجع
و اشفق على شوفتك و اقول زيدي
فهل علمت عن جنوني يا آنف
اني لمجنون النشاز المجيدي
لبيك يا سلكا حملت الفضائل
أوعز لصاحبك بتحرير قيدي
يعني بحكينا .. لبى و الله عروقك
متى تعيد في عيوني يا عيدي
ثقفني بوصلك مثل ما تثقف
شعار جيلي من ثقافة قصيدي
لو ضلع عيني حس موطى وصالك
لا طاح حيده و لا طاح حيدي
تخيل اني من كثر ما اتخيل
اتخيلك تدعي و احسب انك ميدي
يا خي ترى جننتني بالمفارق
جننتني و انا بعدني يا جيدي
لكن مع الله كل بلوى بخيره
أنا ذكاي من التجارب رصيدي
اذكرني اليا من سمعت بغرابه
اليا سرى فعروق مخك جديدي
و أنا بعد لا من ذكرتك يا غالي
باسجد لوجه الله و باقبل ايدي**
برب