منتديات كلك غلا - عرض مشاركة واحدة

10-29-2011, 09:30 PM

من اجمل قصائد الشاعر فهد المساعد

إليكــم قصـائـد للشـاعـر المميــز والمبــدع ( فهــد المسـاعــد )

شكواي لـ(اللي) عليه الضيق وإفراجه

اللي إذا شاء .. يرحمني ويرزقني
أما أنت يا أبو جبين عقد حجاجه
لا عاد تسأل "علامك ما أنت طايقني؟"
الناس كل على دربه ومنهاجه
وأنا عن الناس ما به شي يفرقني
ألا أني دايم أحب الصدق وأواجه
مخلوق .. والله على هـ(الوضع) خالقني
حتى رفيقي ضماد القلب وعلاجه
على كثر ما أتمسك فيه .. صدقني
لو أدري أنه مرافقني على حاجة

لــ(أمسّكه" حاجته .. وأقول "فارقني"

//

ماقول غير انت لامن حطـوا وشالـوا

تعـوذ برحمـه الله مــن اساميـهـم
وذكرهم ان الاعمار ان طالت وطالـوا
الخالـد الذكـر والا المـوت قافيهـم
اما انت ياقلب لو صالوا بـك وجالـوا
خلك مثل ماانت لاتشره علـى ايديهـم
الناس مـن خلقـت الدنيـا ومازالـوا
عيـال رجّـال لكـن فيهـم وفيـهـم
وذولاك من عرض ناس ٍ مالي ان مالوا

الا اني اسكت ,, واقول : الله يجازيهم

//

اسمعك يالليي تناديني يابو قلب خلي

بس انا ماني خلي القلب لجل اسكت واجيـــك
الخلي ماهوب قلب من هيامك ممتلي
الخلي قلب ادمي شافك ولا هام فيـــك
انت زعلان لجفاي ومادريت ان زعلي
يوم قلبك مايبيني قد ماقلبي يبيــك
حتى لو عيت همومك في غيابي تنجلي
كل هذا مايساوي لهفتي يوم احتريـــك
وان كان ماصدقت هرجي طيب اسمع مايلي
ياحبيبي ياعسى ربـــــي يحفظــك ويهديــك
جايز انك في غيابي تقلب الدنيــــا علي

بس انا من قبل اعرفك قالب الدنيـــا عليـــك

//

خذني افحضنك ابغفى يااااهـ مبطي ماغفيت

وان لمحت دموع عيني سو نفسك ما لمحت
خذني افحضنك وبعثر في جروحي وان قضيت
هزّ لي كتفي وقل لي عيب تبكي لو سمحت
إضحك وعلّم زماني من على ومن وين جيت
طقّ باب الحزن واصرخ فيّ لامني فتحت
وضمّني يمك وكمّل ضحكتك لامن بكيت

ودّي اذكر كيف كانت ضحكتي لامن فرحت

//

//

صوّت حبيبي وقبـل أقـول ياعونـك

شكى جروحه ورحت أشكي له طعوني
يقول مقدر أعيش اليـوم مـن دونـك
وأقول حتى ولو ماعشت مـن دونـي
يمكن أنا اكون أعز إنسان ف عيونـك
بس انت والله كل النـاس ف عيونـي
لا صرت ربعي وداري فيّـة جفونـك
وش دخّل الناس خل النـاس يجفونـي
يكفيني إن انت لا من قلـت وشلونـك

تطيب كل الجـروح ويختلـف لونـي

//

في عز ما كنت اهوجس فيك وافتحلـك

ابواب قلبـي خذتنـي رجلـي لبابـك
وجيتك وانا ما اذكر اني كنت رايحلك
بس اذكر اني كـذا لاطـول غيابـك
ياما ترددت مـدري كيـف اشرحلـك
اجيك وارجع ابيك تقـول وش جابـك
يابـن الاوادم تـرى مليـت المحلـك
انا اعزك واحبـك واعشـق ترابـك
لا ضقت اضيق ومتى ما تفرح افرحلك
ولاغبت اموت ومتى ما شفتك احيابك
ان كان ودك ترسينـي علـى كحلـك

لميت عمري وخاويتك علـى اهدابـك

//

اللي تركني وأنا في عـز غربالـي

بعد الشدايد وش اللي ذكـره فينـي
يبغى زماني يعود ويرجـع الغالـي
وشلون يرجع بعد ماطاح من عيني
لا الوقت وقته ولا له شي في بالـي
أنا نسيتـه مثـل ماكـان ناسينـي
أنا تمنيت نظره منـه فـي حالـي
ياما تمنيـت صوتـه لـو ينادينـي
قولوا له إني ما أحبه كثر ترحالـي
أو لا .. حرام يتضايق وإلا يبكيني؟؟
قولوا له إني أحبه .. بس من تالـي

إن راح وإلا رجع ماعـاد يعنينـي

//

جا يشوف الحال كيفه بعد ماهزه حنينه
قبل يسألني سألته كيف حالك يالحبيب؟
قال أنا كني غريب ضيع دروب المدينة
قلت أنا كني مدينه تنتظر رجعة غريب.
قال أجل وش فيك تلعن سيرة الحب وسنينه ؟
قلت أنا وشلون ما العن سيرته دامك تغيب
أنت لا من غبت حتى مرايتك صارت حزينه
كيف ما تبغاني أحزن وانت لي حظ ونصيب

،