يبو بدر لي حبيبن غاب
وكبدي من البعد محروقه
منيب عارف وش الاسباب
وقلبي معه جر معلوقه
من يومه اقفى وصك الباب
جنّبت انا الشعر وطروقه
واللي تولّع ماعمره تاب
لوكان مابان منطوقه
كل يوم انارجي يجيني اكتاب
قلبي كما الحر بسبوقه
يكفخ على زينت الاحباب
عذرا من البيض مفروقه
ياويل قلبي وانا المنصاب
وعزّي لمن غاب معشوقه
اسهر ايلين القمر ميغاب
واقول يالله لاتعوقه
خلّن جميل وحسين اهداب
مربوعة الجسم مرموقه
كن الشهد من حلاها انساب
مهيب بالزين مسبوقه
هذا كلامي وقلبي ذاب
والجرح كبرت بي افتوقه