ياقمر نص الشهر ماشفـت خلـي
له ثلاث سنين غايب وش علامـه
ياقمر لامن نظرتك قمـت اهلـي
خص لامن بان نورك في تمامـه
ياقمر هـذا شبيهـك نـاويً لـي
موتتي يومـه يوجهلـي سهامـه
ياقمر وان كان تعرف وش حصلي
بلغ المرسـول قـل هـذا كلامـه
من يطب البحر جاهـل ومتسلـي
لاتناصف غبتـه شـاف الندامـه
مثل مافـي غبتـه حوّلـت كلـي
واخرتهـا قلـت يالله السـلامـه
اشهـد انـه تلنـي بالـود تلـي
تل دلون من ورى عشرين قامـه
وان بغيت الجـد مايشبـه لخلـي
كود بدر اربع طعش ليلة تمامـه