يوم كنت ادور لقصة شقااي اذن ً وفيه
يوم شفت اوفى صديق صار شيمته الغدر

اقبلوا ورعاني الاثنين بالصدفه عليه
قالوا احك لنا حكااية قلت كسر وانجبر


الفرج ضيف يدق الباب عن روحي الشقيه
رحبي به وارحبي بالضيف من ضيقة هالصدر

انثريها نثر خليها سوالف شاذليه
والله انه ما يزيد الهم هم الا الشعر

قلت انا بحكي لكم اذكى الحكايات الغبيه
هي حكاية شاعر باع البداوة للحضر

كان يا ما كان كان انسان حظوظه رديه
عاااش طول العمر ضامي والبلا ان اسمه مطر

كان شاعر بس نادر ما تغزل في بنيه
اغلب اشعاره على الهم و صواديف القدر

كل ما راح يدور من لهيب الشمس فيه
حده الحظ الردي لديار باردها جمر

يوم باج الكون بعيونه وخانته الحميه
راح يهدي بالشعر ويقول في حزن وقهر

يا وجودي وجد معلول تردى به خويه
همله في ديرة الاجناب في حالة خطر

والله اني كل يوم امر في حياض المنيه
وادري ان الموت ما ينفع معه كثر الحذر

ما جدااي الا انشد امي ليه جار الوقت فيه
ليه يا يمه انا بالذات من بد البشر

المطر وين المطر وعروش قلبي جرهديه

وليه يستسقي يباسي ريقي يبل النحر


الله اقوى كل ما جاني الفرح بالسامريه
جيت مثل اللي تذكر غالي وسط القبر

قالت امي ان اغلب الظن اثم والنيه مطيه
قلت كان الظن اثم وصار يا يمه اجر

الي متى باعيش وانا اعالج الكيه بكيه
الي متى وانا اعرب الفرحه ضمير مستتر

كيف يستثنى المنادى يالحروف الابجديه
كيف صار اسم الدحيمي مبتداء ماله خبر

عقبها وقفت القصه وهملت السجيه
وناام خالد بس مدري ليه ما يرقد بدر


كان بعيونه سؤال يقولي من هو الضحيه
مير في ذمتك قلي يا يبه من هو مطر ..!!!؟؟



للشاااعر / محمد الدحيمي