سو اللي براسـك ولاتذكـر اسبـاب
لاصرت بايعنـي توكـل علـى الله
مابينـي وبينـك مشاريـه وعتـاب
شف دربك اللي جيـت منـه تدلـه
ماراح تغلبني لـو الحـب غـلاب
في ذمتي لأجعلـك عبـره للاحبـاب
لين الخلي يتوب عـن جـرح خلـه
زلاتك الـلي مانفـع فيهـا احسـاب
لاجيـت اعددهـن ثمانيـن زلــه
احرجتني بين القرايـب والاحبـاب
كن الجفـا سيـف بوجهـي تسلـه
ماكنت اقصر فيك من كثر الاعجاب
يومك تساوي عنـدي الكـون كلـه
كنت القريب وكلهم كانـوا اغـراب
حتي القمرلاغـاب شفتـك محلـه
خلاص لاترجع ترا خاطري طـاب
مابي طرا اللي كنـت عايـش بظلـه
رح واعتبرني واحد اذنـب وتـاب
مانـي بثـوب تلبسـه ثـم تمـلـه
مايجتمع بالحـب صـادق وكـذاب
رزقي علي الله وانت رزقك علي الله