منتديات كلك غلا - عرض مشاركة واحدة

10-30-2010, 12:23 AM

أضم صدرك و أنسى كل النوايب
و رضاك عني ..~
هو هدية زماني
أمي
......يا نبع الخير
............ يا أغلى الحبايب
[حبك يفوق الوصف وكل المعاني]
انتي غلاي
اللي به القلب ذايب
قليل في حقك { شعوري و حناني
يا [شمعتي]
ان كنت حاضر و غايب
حبك..
........ ملى قلبي و نورك ملاني

يا ما لقيتك
في شتا وقتي { دفاي
حضنك ..
يدفيني بحنانه و أدفيه
و ياما..
مسكتي في عنا الوقت [يمناي] خوفٍ علي من الزمان و بلاويه ..!
أمي..
........يا أول حب عشته بدنياي
...............يا أول اسم تنطق شفاي طاريه
انتي هوا روحي و بعروقي الماي
عمري بدونك ~{ عمر ما عشت أنا فيه

تدعين ربك لي يسدد لي خطاي
و أرفع أنا كفي لله و أدعيه
~{ يااااارب
تمنحني رضاها بدنياي
وان ما رضت عني ..
ترى العمر ما ابيه ..!