مجنون . . ياللي تسمّي حبّنا | ذنبك
ما أتوب عنْك . . حياتك ما أخلّيها !
أشتاق وصلك ومعنى الطيب في قلبك
والنفس . . " غيرك " ترى محدٍ يداريها
تعبت أدوّر دروبٍ ، تشبه لْـ دربك
تعبت أخبّي عيوني . . . والحزن فيها
الليل فاقد دفاك . . و ينتظر : قربك
ما عاد به حيل . . والأحلام ناسيها
..
والحكاية ؟
كانت أكبر من حنين
ومن أيادي ترتجف
تنتظر لحظات / ليله
والتفاصيل العليلة
والوجيه . . اللي غدت به
ألف وجهٍ .. مثل وجهه!
والعيون اللي تنادي . .
ولا تلاقيه : عيون . .
والخطاوي اللي تلاشت . .
دون معنى أو أثر !
بس لو إنّي دريت !
وإلاّ تدري ؟
ليت ما يومٍ دريت !
ولا عرفت ولا وصلت . .
ولا بعد / قلبك لقيت !
ليه كلّ اللي أقوله . .
ينحكي فيك . . ويغرّد
حتّى طير الروح / شوفه !
ما قوى لْ وحده يطير . .
يعني معقوله ! تسافر !
و ما يسافر غير . . بيتي !
يعني معقولة . . تغيب !
وين بس اللي أعرفه !
غير وجهك . . ما قويت
ولا قدر هـ الصبر / يصبر
ليت . . لو جابك / " يا ليت "