|
تعبت اجامل ايامي ولو ورتني الاهوال
تعبت من القصيد .. من الجروح .. من انتظـار طـال تعبت استقبل طعـون الزمن .. واربت على كتفـه تعبت من الكلام .. من السكوت اللي يهد ّالحـال تعبت أكثر من الحزن الذي.. ما ينتهـي عزفـه تعبت من الوعود .. من الصديق الطيّب المحتـال تعبت أعرف كل اللي .. تعرف الناس بالصدفـه تعبت من العدو اللي عجز.. يدخل معي بقتـال تعبت من الظـلام اللي قتلت .. ولا لقى حتفـه تعبت أسأل من المخطي .. تعبت اردّد المـوّال ما دامك ما سـقيت الزرع .. ما لك حق في قطفـه تعبت القى الجواب المقنع اللي ماعليه جـدال تعبت القى .. طـريقٍ ما يكون بآخـره شـتْفَـه تعبت اضفي على الصوت الحبيبه وردتين وشـال تعبت اسـمع صدى شامت يردّد طاحت الغدفه تعبت أغـازل البسمه على ثغر البكـا .. تخـتـال تعبت أشـوف شوفي ينهزم .. رغمٍ على انفـه تعبت اجامل ايامي .. ولو ورّتنـي .. الأهـوال تعبت أقـول عن حملٍ ثقيل .. اتفه من الأتفـه تعبت أهـزّ راسي غيظ والقى في يديّ اغـلال تعبت أسـير خلف الوهم.. لو غيري ركض خلفـه تعبت أشـد وانزل.. ما ظهر لي طيّـب المنـزال تعبت من الدروب اللي مشيت .. وكلّها صـلفـه تعبت أرسم حروفي شمس.. والمح بالوجيه ظـلال بعض ناسٍ .. تعـرف النور .. بس تقول ما تعرفـه تعبت وقلت كل اللي اظنّـه " يابنت " ينقـال تعبت ابغى القط انفاسي .. اذ لابد من وقفـه |
|
دكتور
دعني متفرجة على ألق بوح ينساب من سماء روحك مساحة مختلفة وسماء تغسلنا بماء الألق لروحك عميق الشكر وعبق الياسمين احترامي |
شكرا لكـ دكتور العشاق
ع الموضوع الحلو |
نقل حساس ومؤلم ..
الف شكر لهذا البوح الرائع ~~ دمت بالف سعادهــ اطيب الامنيات ~~ |
ابيات راائعه
تسلم اناملكـ ما نعدمكـ |
تعبت القى الجواب المقنع اللي ماعليه جـدال
تعبت القى .. طـريقٍ ما يكون بآخـره شـتْفَـه تعبت اضفي على الصوت الحبيبه وردتين وشـال تعبت اسـمع صدى شامت يردّد طاحت الغدفه كلمات رائعه الف شكر لك |
</b></i>
الذهـب لا يمكن ان يفقد لمعتـه مهمـآ جـآر عليه الزمن هو كذلك اناملك اعتدنـآ منه اروع واجمـل الكلمـآت وأرق المشـآعر الصـآدرهـ من اعمـآق القلب التي تبهـر وتأسر كل من يقرأهـآ وكـآنه يقرأ ويفسر احاسيسنـآ دمتــ مبدعـ ومتألقـ تقبلــ مودي.... </b></i> |
| All times are GMT +3. The time now is 10:33 AM. |
Powered by vBulletin® Version 3.8.9
Copyright ©2000 - 2026, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا