منتديات كلك غلا - عاندتني واحترمت الحب وعنادك

--------------------------------------------------------------------------------

يا قاصد الهجر شفت الهجر ما فادك
ليتك سمعت النصايح يامسببها

كنت اشفق لشوفتك ماودي أبعادك
يوم الليالي تطربني وأطربها

والحين وينك ,, عسى هالوقت ما بادك
دنيا شقيهـ وانا واحد مجربها

الضيم صيًاد ليت الضيم ما صادك
معروف يذبح واذا ما طال ينكبها

اذكرك تنسا حبيبي وقت ميعادك
يوم المشاعر على أيدك تدربها

حنا أفترقنا ولكن .! شفت حسادك
أصدمك لو تعرف الاسما ومنسبها

جاهل وغفل الجهل للمعمعه قادك
وأهل الجهاله تبي منهو يأدبها

فرقاك ما نقصك يالمبتعد زادك
وأشواقي الغاديهـ بتقان تجذبها

عاندتني واحترمت الحب واعنادك
واسرارنا بين عذالي تسربها

عادك تحب الخيانهـ والجفا عادك .؟
الله يقطعك من يومك مخربها