منتديات كلك غلا - يوم ما تتقفل كل الابواب فى وشك

(يوم ما تتقفل كل الابواب فى وشك افتكريها)
عارفين ام كلثوم ..؟؟

ام كلثوم بنت عُقبه الصحابيه اللى من جيل اليقظه
-مالها بقي ام كلثوم بنت عقبه
#ابدا دى بنت ضحت بكل حاجه عشان ربنا
ياترى ضحت ازاى ؟!!
وربنا رزقها ب ايه...؟؟
ام كلثوم تبقي بنت عقبه ابن أبى مُعيض ابوها يُعد طاغوت من الطواغيت اللى حاربت الإسلام . عقبه دا حاول يغتال النبى ﷺ وشد على رقبته وهو في الكعبه والنبى اغمى عليه
#ورغم انه فاجر الا ان بنته قلبها كان بينبض بالإسلام
ام كلثوم بنت صغيره ممكن نقول انها كانت في سن بنات ثانوى وقت ما اسلمت وكتمت اسلامها جوا قلبها
ما هي مش عارفه هتقول ايه دا ابوها اكتر واحد بيكره النبى مفيش حابه مجال غير انها تكتم اسلامها
وتمر الأيام وتيجى الهجره ويهاجر الصحابه ويسيبوا مكه وتفضل ام كلثوم في مكه مش عارفه تعمل ايه
دخلت في سن الزواج وبدأ الخُطاب يتقدمولها
يا ام كلثوم ها قولى هتوافقى على مين ؟
مش هوافق على حد
#ازااااى..!!
مش عايزه اتجوز
مش عايزه تتجوزى ليه...؟؟
#تسكت لانها مش قادره تقول السبب مش قادره تقول انها مسلمه
وتمر سنه اتنين تلاته اربعه ها يا ام كلثوم هتعملى ايه؟؟
مش عارفه كل اللى هي عارفاه انها اختارت طريق ربنا وهتفضل مستنيه لحظه فرج
يا ام كلثوم هتفضلى ترفضى عرسان لحد امتى ؟؟
يا ام كلثوم دا الصحابه هاجروا مع النبى وانتى هنا لوحدك في وسط بيئه بتكره الإسلام هتعملى معاهم ايه؟؟
يا ام كلثوم دا انتى لسه صغيره والعمر قدامك مش عايزه تستمتعى بحياتك؟؟
لا انا عايزه ربنا وبس مش عايزه حاجه تانيه
#طب وبعدين......
تيجى الضربه القاضيه "صلح الحديبيه" لما النبى اتصالح مع المشركين على ان مفيش واحد يجى مسلم الا والنبى يرده للمشركين
ام كلثوم وقفت مصدومه ماهى ماينفعش تستنى اكتر من كده
#لازم تهاجر
بس هتهاجر من مكه للمدينه لوحدها ازاى !!
واهلها لوعرفوا هيدبحوها
طب هتقدر تستغنى عن أمها واخواتها الوليد وعمار
طب بلدها ووطنها وصحباتها تسيب كل دا وتهاجر ولوحدها
#اه هتهاجر ما هو ماينفعش تكتم اسلامها اكتر من كده
وتهاجر الى الله ورسوله في حركه بطوليه مفيش امراه في التاريخ عملتها وتنطلق الى المدينه
#ويقف النبى ﷺ في حيره من امره مش عارف ﷺ يعمل ايه لو رجعها حسب صلح الحديبيه أهلها هيقتولها
#ويصدر القرار من #فوق سبع سماوات في سوره الممتحنه
https://www.facebook.com/images/emoj...1/16/1f448.png👈"فلا ترجعوهن الى الكفار"
#انتهت القضيه وانتصرتى ياام كلثوم وربنا تقبل بيعتك
ويزوجها النبى ﷺ من عبدالرحمن بن عوف اللى يعد من اغنى الصحابه دينا
#زوج مفيش واحده تحلم بيه
#وقفه
https://www.facebook.com/images/emoj...1/16/1f448.png👈-ام كلثوم اتحدت الدنيا كلها عشان اسلامها فربنا تقبل بيعتها
https://www.facebook.com/images/emoj...1/16/1f448.png👈-ام كلثوم رفضت كل العرسان اللى ما يناسبوهاش كمسلمه فربنا كافئها بعبدالرحمن بن عوف
https://www.facebook.com/images/emoj...1/16/1f448.png👈-ام كلثوم نزلت سوره كامله ليها "سوره الممتحنه" لانها اسلمت وحسُن اسلامها
https://www.facebook.com/images/emoj...1/16/1f448.png👈-ام كلثوم اختارت طريق الإسلام عشان عارفه انها كده اختارت كل حاجه