منتديات كلك غلا - غيرة احباب

فديت روحك تسمعيني دقايق
العمر ياروحي ثوانيه بحساب
ادري العتب بين الحبايب يضايق
نفسٍ طرق بيبانها غيرة احباب
في درب وصلك صار للحظ عايق
لاتاخذي بالصد في جهل الاسباب
ياليت طرفك وسط قلبي يوايق
ويومن بكلمة خافقي لجلها ذاب
تدرين وادري عن اصول الحقايق
الصدق ما يغلب وهو دوم غلاب
وآخر حروفي دونيها وثايق
على طريقة نصح والا على عتاب
لولا عليك اخشى كلام الخلايق
عزيت في موت الشرف عكف الاشناب