منتديات كلك غلا - بيـن الصبـر واليــآسَ

هل يعجز الانسان عن تصوير نفسه وحالته التي هو عليها أم انها الحياة التي أصبحت له منعطف واسع التباعد مقرون بالاوليات ليس لها على ادراك الضوابط المجرده من العز ه والشرف والكرامه 0

لاسيما أن الوقت ومايحويه من نبرات باتت في جوف الشاعر أشبه بشعره تنامت بين حناجره0

بين الصبر والياس
العمر واحد والشقاوي متاهات
شي تبيه النفس وشي تعوفه

والخير لاوصّل جميع العلاقات
مايقدر الانسان يرمي حتوفه

لاصار قالوا في جميع العبارات
كل اللذي مكتوب عينك تشوفه

يانفس ياللي راضيه كل الاوقات
وش يمنعك يانفس بأنك شغوفه

أقرب مسافه ثم تجيني مسافات
كني أعيش اليوم وقت(ن) اطوفه

يمضي علي الليل كله باااهااات
اااه على حزن واااه تروفه

مدري يعيد الوقت تصوير الابيات
أكتب حروفه ثم تلاشى حروفه

بين الالم والخوف كلمه ونظرات
بين الصبر والياس لحظه رهوفه

يامن لقى حسن نمى في ملذات
عايش سنينه في محبة هنوفه

ويامن لقى بالحب تقليد عادات
وعروق فكره كلها من حلوفه

ويامن وصل بالشوق ساعه وساعات
ويامن قطع بالشوق دمعه رفوفه

ويامن سرى بالليل في صمت وسكات
ويامن صدح بالليل يضرب دفوفه

ويامن نوى يصدر علينا الاشاعات
كل ماسألته هز لك في كتوفه

ويامن صدر أقسى كلام الاهانات
يطعن بها كل ماتعالت سيوفه

ويامن يجيب الحب في خذ او هات
كل ماطرى يشهق معاليق جوفه

واللي يخز بعين قله سلامات
نظرتك هذي ماتوقف صروفه

مايستحيل العلم لوفيه أنصات
تحفظ كتاب الله أذا فيك خوفه

ندري عن اللي يعتلي في المقامات
وندري عن اللي كاملات وصوفه

يالله ياللي لك علينا العبادات
يامعطي الانسان رحمه عطوفه

أرجوك ترحم حالتي والمعاناة
وتغفر لعبد مانساك بوقوفه

وختامها نور الهدى والتحيات
على نبي نرتوي من كفوفه

تحيــــــــــــآتــي للجميـــعَ