لعيونها كتبت شعري وابـا اهديـه
وانا اشهد ان عيونهـا يستحقـن
حاولت اوصفها ولكن على (ايـه)
كل الوصايف دون حليـاه يقفـن
لولاي اخاف من الحكي والمشاريه
لاارقى بحبه فـوق الاشهـاد واذن
ولا بعـد تـدرون لا والله ابيـه
ماينفع الكتمـان خلونـي اعلـن
كتمت حبه ليـن بانـت مواريـه
شوفو عيونه بس وشلـون سـون
ادخل على الله رمش لامن كسر فيه
مدري سهاهن خلـق ولاتساهـن
اضيع من دنياي ساعـة احاكيـه
واروح فيها وان سئل قلت له هن
ويقولي وشبك تلخبطت قلت ايـه
ذولا خذوني وانذهل قالـي مـن؟
واقول صد شوي يمكـن الاقيـه
ضيعت هرجي وانقلب حكمنا صن
ويقولي تمـزح تـرا المـزح مابيـه
قلي من اللي قلتلي علمـن مـن؟
واقول سـودك ياكبيـر المشاريـه
(تضرب وتبكي ثم تسبق ويشكن )
ويقول مو معقول طرفـي يسويـه
اما خذاك النوم او لابسـك جـن
ان كان هرجك جد طرفي لاجازيه
باالكحل حتى تنفتن عشـرة افتـن