منتديات كلك غلا - اعشقيني شعب يعلن لك ولاي .

منتديات كلك غلا (https://www.klk-gla.com/vb/index.php)

- ๑۩۞۩๑ للقصائد مـذاق ๑۩۞۩๑ (https://www.klk-gla.com/vb/forumdisplay.php?f=23)

- - اعشقيني شعب يعلن لك ولاي . (https://www.klk-gla.com/vb/showthread.php?t=26921)

اعشقيني شعب يعلن لك ولاي .

ملّت حروفي تسولف عن عناي ..

و الشعر ملّيت منّه ما أبيه

لو صحيح إنّ الشعر وصف لـ دواي

ما لقيتي جرح وقتي يحتويه

القلم كنّ بـ صريره صوت ناي

في يدين اللي زمانه حثّ فيه

و الحبر دمعة يتيمه يا شقاي

و الورق من دمعها حنّى يديه

ذا جوابي و إفهميني يا غلاي

إن سألتي عن غيابي عنه ( ليه ) ؟

لو يمرّ بخافقي يترك شفاي

كيف أهذّه كيف أحاول أبتديه ؟

غير غار من الزقاره كوب شاي :

غارت أنفاس الشهيق و ما يليه !

إجمعيني و إحصدي سُنْبُل وفاي

.بعثريني و الهوى بك بنتشيه

اعشقيني شعب يعلن لك ولاي

و إذكريني لا قسى الوالي عليه !

لا تجيني طيف يتنفّس هواي

و الغموض اللي بعينك وضّحيه

أَدعي الله يرزق عيوني عماي

كان شفت الأقنعه فوق الوجيه !

إسأليني ( ماتبيني يا هناي ؟)

و إضحكي من كذبتي لا قلت ( إيه ) !

و القصيد اللي يسولف عن عناي

انقبر في داخلي : ][ من غير ليه ][

و إن نضد ثمر القصايد في حشاي

في ثنايا موعد الحُبّ إقطفيه

منقول:::