منتديات كلك غلا - غلاك باقي على جــورك ونسيانك

منتديات كلك غلا (https://www.klk-gla.com/vb/index.php)

- ๑۩۞۩๑ للقصائد مـذاق ๑۩۞۩๑ (https://www.klk-gla.com/vb/forumdisplay.php?f=23)

- - غلاك باقي على جــورك ونسيانك (https://www.klk-gla.com/vb/showthread.php?t=22821)

غلاك باقي على جــورك ونسيانك

ذكرت وقتي معك ياروعة الذكرى
.......... كل مامضى يوم زاد اليــــــوم ميزانك
ماضي زماني محته اسنيني الغبرا
.......... الا انت كن الزمن يـــرجع على شانك
القى بذكراك ونس الليلة القــــــمرا
.......... اللي على صفـــــوها نقشت عنوانك ؟
وان خايلوا سحبها واستبشروا بشرى
.......... خاصمت قلبي هي افراحك او احزانك
وان نوخوا زملهم فيها عـــن المسرى
.......... سريت منــــجوم ادور دافي احضانك !!
ماكني اللي لقيت العيشة القشـــــرا
............ وعانيت من مطرقة حبـــك وسندانك !!
بك مثل مابي ... ولكن عشقك الوزرا
........... ومــــن الهيام اختلط زودك بنقصانك
ماأنت بصلاتك وبعد الشفع والوتــرا
........... تقول يارب مااقوى حر نيــــــــرانك
مهما يطول الزمان وترجع العشـــرا
.......... ثمان ابقبل بها واقدّر احســـــــانك
وكان الغلا يباع عندك ... عندنا يشرا
.......... غلاك باقي على جــورك ونسيانك
إن كان به واحد( ن) يكتب ولا يـــقرا
............ يمكني انساك واقوى لوع هجرانك
دام النفس ماوقف والغيــــب مايدرى
.......... انا تحت رحـــمة آمالي وحرمــانك