|
للاسف منت رجال
بسم الله الرحمن الرحيم
لما ترضى تجلس بالبيت وأختك أو زوجتك تصرف عليك للأسف منت رجال لما بكل مجلس تقول بصوت عالي عرفت فلانه بنت فلان وضحكت عليها وهذي صورها وهذا رقمها للأسف منت رجال لما تكشخ وتتعطر وتدوج بالأسواق بدون هدف وتكلم هذي وترقم هذي للأسف منت رجال لما تاخذ من أمك كم ريال عشان دخان للأسف منت رجال لما تكون فاضي طول الوقت ووقت الصلاة سبحان الله تنشغل للأسف منت رجال لما تسمح لأصحابك يقولون من باب المزح وللأسف الكلمة دارجه عند الشباب الله يلعن أمك وتضحك وتقول: الله يلعن أمك أنت للأسف منت رجال لما تكون متزوج أو خاطب أو حتى تحب وتخون بكلمه ونظره مع الغير للأسف منت رجال لما تعتمد على فلوس ومنصب أبوك وتقول: وليه اشتغل!! للأسف منت رجال لما يتقدم خاطب ويدق الباب عشان راتبها ويقولها بكل صراحه بعد الزواج اخذتك عشان راتبك مو سواد عيونك للأسف منت رجال لما ترفض خطيب لإبنتك أو أختك عشان تستفيد من راتبها للأسف منت رجال لما تقسط لك زوجتك سيارة من راتبها وتتزوج عليها ثانية وتاخذها برحلة بسيارتك على حساب الأولى للأسف منت رجال لما تنسى بيتك وزوجتك وعيالك وتروح مع الثانية دون عداله للأسف منت رجال لما تدق عليك أمك تالي الليل بالإستراحه وتسكر الخط فى وجها وتقول أزعجتنا العجوز للأسف منت رجال لما تقول عند خوايك الشاكوش واقف بطريق سفرتى معكم تقصد أبوك للأسف منت رجال لما تقول عند أهلك بروح عمره وإنت خارج الديره تدور البنات للأسف منت رجال لما تكون وسيلة التفاهم عندك يدك مو لسانك للأسف منت رجال لما تخجل من شغله أبوك البسيطة للأسف منت رجال لما تفرق بين بنتك وولدك وتقول هذا ولد عزوه والبنت تنطق للأسف منت رجال لما تتخلى عن أعز أصدقائكـ بوقت شده للأسف منت رجال لما تحبها وتحبك بصدق وفجاءة شفت غيرها وتخليت عنها دون سبب للأسف منت رجال لما تحط عينك على وحدة تعرف أن أخوك أوصديقك يحبها للأسف منت رجال الرجوله مواقف وكرامه وتصرف وأكيد الكثير منهم والله ونعم الرجال ولكم مني اجمل تحيه |
رد: للاسف منت رجال
الله يهديهم يارب ياكثررهم الي يسون كذا مشكووره خييتي طرحتي فابداعتي دام ابداعك |
رد: للاسف منت رجال
مشكوره امواج
على الطرح القيم والهادف |
رد: للاسف منت رجال
مششكوره خيتو عَ آلموضضوع آلرآئع
يعطيك آلعـآآفيه \ تقبلي مروري |
رد: للاسف منت رجال
يعطيكم العافيه ويسعدني ويشرفني مروركم
|
رد: للاسف منت رجال
يعطيك الف عافيه على الطرح الرائع وصح لسانك للأسف في هالزمن قلت الرجوله الله المستعان تقبلي مروري المتواضع |
رد: للاسف منت رجال
يعطيك العافيه يسعدني ويشرفني مرورك
|
رد: للاسف منت رجال
كلام بصراحه بالصميم على الجرح امواج الشوق انا مو رجال لو ماقلت لك بان كل حرف وكلمه نثرها ابدعك لها معنى موضوع استمتع بقرائته دوم هالابداع الله لايخلينا منك انتظر جديدك بكل لهفه وشوق تعلمت ارسم الفرحه مر من هنا |
| All times are GMT +3. The time now is 03:13 PM. |
Powered by vBulletin® Version 3.8.9
Copyright ©2000 - 2026, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا