منتديات كلك غلا - لاترخصين النفـس يابنـت تكفيـن

منتديات كلك غلا (https://www.klk-gla.com/vb/index.php)

- ๑۩۞۩๑ للقصائد مـذاق ๑۩۞۩๑ (https://www.klk-gla.com/vb/forumdisplay.php?f=23)

- - لاترخصين النفـس يابنـت تكفيـن (https://www.klk-gla.com/vb/showthread.php?t=20290)

لاترخصين النفـس يابنـت تكفيـن

لاترخصين النفـس يابنـت تكفيـن
بعض البشر مـا يستحـق المـوده ..

يلعب على كـل العـذارى بحبليـن
والى الدرك الاسفل يا العزيزه مرده ..

يجهل اصول العرف والشرع والدين
ضدالمبـادىء والتقالـيـد ضــده ..

متمرس في مهنته قـد لـه سنيـن
يشدكـم لـه والطـواري تـشـده ..

مصيونـه عنـه جميـع الفناجيـل
تنشـل يمنـى بالمجالـس تـمـده ..

لا تامنيـن الـي مواريـه وجهيـن
جعل اليالـى السـود عنـك تلـده ..

النيه القشـراء لهـا الـف تخميـن
وبعض النوايا المشكلـه مـا تسـده ..

وده يحقـق رغبـتـه بالملايـيـن
وكوني على صد الخطـر مستعـده ..

ياغاليه ضـرب الهـواء للمساكيـن
والمصلحه بامر الهواء يبل المخـده ..

كل العصـور السالفـه والمحبيـن
راحو معـا مـراح جـدك وجـده ..

لا تخلطين المـاء يابنـت بالطيـن
الفرق واضـح بيـن عـدك وعـده ..

انتي الذهب يابنت بالعسـر واليـن
والله يعيـن اللـى غـدا فيـه مـده..!!