منتديات كلك غلا - قالو حبيبك يسمع الشعر قلت ايه

منتديات كلك غلا (https://www.klk-gla.com/vb/index.php)

- ๑۩۞۩๑ للقصائد مـذاق ๑۩۞۩๑ (https://www.klk-gla.com/vb/forumdisplay.php?f=23)

- - قالو حبيبك يسمع الشعر قلت ايه (https://www.klk-gla.com/vb/showthread.php?t=18551)

قالو حبيبك يسمع الشعر قلت ايه

قالوا حبيبك يسمع الشعر قلت أيه
يقـراه بعيونـي قبـل تسمعونـه

لولاه حتى طاري الشعر ما ابيـه
مير أكتبه من شان خاطر عيونـه

هو روح شعري وأمنياته وماضيه
جذع الشجر وش كان لولا غصونه

اكتب لغيره والقصايد تجـي فيـه
كن القصايد حالفـه مـا تخونـه

هذاك لا منه زعل قمـت أهاديـه
حتى وهو مخطي تعـذرت دونـه

يمكن لو أنه يلمس الجرح بيديـه
يستغرب ان اللي لمسهـا طعونـه

ابطى وهو غايب وزلت حراويـه
وأنا من العـام آتحـرى مزونـه

هو مادرى اني في غيابه محاتيـه
ليته نشد عن حالي اللـي يجونـه

وا قلبي اللي توه أفلـت عراويـه
كيف انسرق وضلوع قلبي حصونه

عجزت أرده كان مانـي براعيـه
يوم انتثر شوقه وهاضت شجونـه

يبسن عروقي لكن اللـي يعزيـه
ان اكثـر العالـم تـردد لحونـه

خافو من الله لا تجيبـون طاريـه
لا صرت أنا موجـود لا تذكرونـه

لو كـل غالـي جابـه الله لغاليـه
ما شفت لك مخلوق تبكي عيونـه

مما راق لي