منتديات كلك غلا - تعالوا شوفو التمساح من يتواعد شيسوي

هلو حبايب اشلونكم

ادري راح انعلس من الشباب بس هاي الحقيقه يعني
يالله خلوني اسولفلكم

يكلك من الشباب العراقين يتواعدون شيسون...............

هوه
متواعد يوم الخميس طبعا قبل يوم شيسوي يروح على صاحبة

ابو المارسدس (الدب300) يتوسل بي الله يخليك اريد سيارتك

اني كايلها عندي سيارة مارسدس بس هل نص ساعة وبس

هل المرة اخذة وراها اكلها بعتها ورة تواسيل طويلة صديقة يكولة

يلة بس نص ساعة وراها يركض ياخذ اهدومة للمكوة ويكولة

(غسل وكوي)وبعدين يروح على غير صديق يكولة عفية محتاج فد

(50)الف باجر العصر انطيكياها وهم بلكوة صديقة يدبرلة وراها

يركض للحلاق قبل منع التجوال اذا عزل الحلاق غير (يديح)يكوله

للحلاق اريد ازيان موطبيعي اريد اسويلي سكسوكة خرافية ورة

ساعة ونص من الحلاقة يرجع للبيت ويروح على الغرفة وطبعا

دك جكاير وينام على الوصاخة ومن الصبح يركض لبو المكوة ياخذ

الملابس ويرجع على صديقه ويلكا طالع وينتضرة ويكفر ويرجع
ليورة وراها يجي صديقة ياخذ السيارة ويمشي كدام صديقه على

كيف وهو يلوف بلفرع دوسها 120 بلوفة يوصل للبيت يغسل

السيارة غسلة مو طبيعية ويطلع كل الكاسيتات مال ياس خضر

وسعد الحلي يشمرها بلبيت وياخذ كاسيت هيثم يوسف حتى

اتكول علي صاحبتة هذا اشكد رومانسي وركض للحمام يغسل

غسلة حتى الليفة تخلص وراها يبدل ويخلي انواع الريح مال

اختة ومال ابو وراها يخلي نص كيلو (جل) ويسحب شعرة ويبدل

(الموبايل)مالتة ويا ابو لان مالتة طابوكة ومال ابو(n73) ويطوك

التبريد مال السيارة ويروح وكلسع بلطريق اتلزمة سيطرة مال

شرطة وهو يبوك هوى عبالة علاسة ومستمسكات السيارة مو

باسمة هي مال صاحبة ويتوسل بلشرطة وينطيهم 10الف ويروح

على هاي الرنة ليحد ماوصل يم بيت صاحبتة وجان يدك

الموبايل مالتة وهو يجاوب متنك كلش لانة يحس نفسة هوة

(طاك) وهناك اتكولة صاحبتة اليوم اجو يمنة بيت عمتي ماكدر

اطلع خليها على باجر... وهوة يتوسل الله ايخليج ... ويفكر

اشلون السيارة افلوس منين ! ويرجع للبيت ضايج كاره الدنيا كلها

ويروح للغرفة يشعل حسام الرسام(لو رايد تنساني)ويدخن
ويقفل الموبايل مالتة علمود متخابرة صاحبتة قابل اشلون يطلع

وياها باجر وهوة لاسيارة لاافلوس قابل يدكة قدم

هههههههههههههههه

حتى ايبطل ميجذب
:1 (3):

تحياتي للجميع