منتديات كلك غلا - اقول صب شاهي بس

• المـشهد الأول •
رئيس دولة + رئيس دولة
الأول :وش أخبار دولتك ..؟

الثاني:

الأمور فيها تمام بس مشكلة هالحدود مأرقتني شوي

وما تخليني أنام !
الأول: أنتم لسّه ماحليتوها ..؟
الثاني: يا خوي أنا احصلها من الحدود أو الشعب أو .. أو ...
أقول:
صب شاهي بس !!
• المـشهد الثآني •
وزير + وزير
الأول: وش أخبار وزارتك ..؟!
الثاني: الأمور فيها تمام بس العجز المالي شوي مأرقني وما يخليني أنام !
الأول: للحين ماعرفتوا الخلل ..؟!
الثاني: أنا احصلها من العجز أو الإختلاسات أو .. أو ..
أقول:
صب شاهي بس !
• المـشهد الثآلث •
مدير + مدير
الأول: وش اخبار إدارتك ..؟!
الثاني: الأمور فيها تمام بس تسيّب الموظفين شوي مأرقني
وما يخليني أنام
الأول: للحين ما عالجت الوضع ..؟!!
الثاني: أنا أحصلها من الموظفين أو رؤساء الأقسام أو .. أو
أقول:
صب شاهي بس !!
• المـشهد الرآبع •
موظف + موظف
الأول: وش أخبار شغلك ..؟
الثاني: الأمور فيه تمام بس موضوع الإجازة شوي مأرقني
وما يخليني أنام
الأول: للحين ما وافقوا لك عليها؟!
الثاني: أنا احصلها من الأدارة أو المراجعين أو .. أو
أقول:
صب شاهي بس !!
• المـشهد الخآمس•
مواطن + مواطن
الأول: وش أخبارك اليوم ..؟
الثاني: الأمور تمام بس مشكلة الشغالة شوي مأرقني وما يخليني أنام
الأول: للحين ماجتك التأشيره ..؟
الثاني: أنا أحصلها من مكتب العمل أو الإستقدام أو .. أو
أقول:
صب شاهي بس !
• المـشهد السآدس •
زوجة + زوجة
الأولى: وش أخبار عيالك ..؟
الثانيه: الأمور تمام بس هالولد اللي ما توظف شوي مأرقني
وما خلاني أنام
الأولى: للحين ما حصل وظيفه ؟؟
الثانيه: انا احصلها من وظيفة الولد أو خطبة البنت أو .. أو
أقول:
صبي شاهي بس !!
• المـشهد السآبع •
عامل + عامل
الأول: كيف كفيل مال أنتا ..؟
الثاني: كويس بس هذا مشكل راتب يسوي تفكير ومافي نوم
الأول: ليش هو ما يعطي راتب ..؟
الثاني: انا مشكل كفيل أو مشكل بيت مال أنا أو .. أو
صديق:
جيب شاهي !!
• المـشهد قبل الأخير •
غريب الوطن + ( .. )
( .. ): هــا بشرني كيف النوم معك ..؟!
غريب الوطن: والله النوم زفت ولله الحمد ! كل يوم احس فيني النوم
أقوم أنام بس ما أنام !
( .. ): لا تفكر كثير أنت تحب
غريب الوطن: أنا أحصلها منك أو من الطلبات أو من الدوام
اللي باقي له اسبوع أو .. أو
أقول:
صبي شاهي بس !!
• المـشهد الأخير •
كل الناس بكل فئاتها ومكاناتها الأجتماعية تعاني من هموم تؤرقها
وكل واحد همومه على حجمه
وكلن
( يصب شاهي على قد البيالة أوالكاسه اللي بيده ) !!
●
●
●
●●● ممَِا رَآقَ ليِ ●●●