ضـعـيـف الـنـفـس نـــســونــجــي
 

السلام عليكم

قصيدة اعجبتني
انقلها لكم لخلف المشعان العنزي شاعري المفضل




يقولون العرب صدر الشمالـي .. مايضيـق بسـاع
وانا اقـول الصـدور اليـوم .. ماعـادت شماليـه

بدت في داخلـي ضيقـه عجـزت القى لهـا مطـلاع
تغيب . وترجع .. وترجع تغيـب ... ومالهـا نيـه

عمتني كلمة ٍ جتني . وضقت .. وضاق صدر القـاع
الا يالله لاتـجـزى غشـيـم ٍ .. قالـهـا فـيّــه

لاهو صفـاع .. ياربـي .. ولاهـو للعـرب نفـاع
بلانـي وابتلـى حالـه ... وبعـض النـاس مبليـه

نهيته قبـل هالمـره .. يخلـي سيرتـي .. ماطـاع
الا يالعنبـو جــد القصـيـد .. ولعنـبـو بـيـه

ضعيف النفس ( نسونجي ) يشوف بعينـه الاطبـاع
يحسبنـي مثـل ربعـه .... يسـوق بضاعتـه ليـه

انا اشري .. لابغيت اشري .. ولاني مساوم البيـاع
الـى مـن قال لـي ميـه .. عطيتـه فوقهـا مـيـه

انا اكتب .. لجل من يقرا .. ولاارجي من يقول ابداع
وابــد لاتحسـبـ ان مثـلـك يشكـلـ لي أهـمـيـه

ترى ياهيه .. لامني نويتك .. بـس اطـق اصبـاع
يجينـي الـف شيطـان ... ووراهـم الـف جنيـه

أجرك من طرف حرفك .. وارد الصاع مية صـاع
جنون القاف ... ارقصها ... على راسك .. هجائيه

ياويلـك لـو توليتـك .. وربـي .. مالـك الشفـاع
يجيك من القصيد .. احسـب .. ثلاثميـه.. ثلاثميـه

ولكن .. خلك بحالك .. مادام ان الصـدور وسـاع
تـرى للحيـن ماضاقـت للساعه.. شمالـيـه

صح لسانه وصح يدك لاعدمناك تقبل وجوووووووودي